Nyayavinishcaya v1.p42
Nyāyaviniścayavivaraṇa v1.p42
- Language
- Sanskrit
v1.p42.1
artha bodha karane kī kalpanā isalie ucita nahīṃ hai ki koī bhī yogī apane yogaja pratyakṣa ke dvārā hamāre jñāna ko pratyakṣa kara sakatā hai jaise ki hama svayaṃ apane dvitīya jñāna ke dvārā prathama jñāna kā, para itane mātra se vaha yogī hamāre jñāna se padārthoṃ kā bodha nahīṃ kara letā| use to jo bhī bodha hogā svayaṃ apane hī jñānadvārā hogā| tātparya yaha ki-hamāre jñāna meṃ yahī svakīyatva hai jo vaha svayaṃ apanā bodha karatā hai aura apane ādhārabhūta ātmā se tādātmya rakhatā hai| yaha saṃbhava hī nahīṃ hai ki jñāna utpanna ho jāya arthāt apanī upayoga daśā meṃ ā jāya aura ātmā ko yā svayaṃ use jñāna kā hī patā na cale| vaha to dīpaka yā sūrya kī taraha svayaṃprakāśī hī utpanna hotā hai| vaha padārtha ke bodha ke sātha hī sātha apanā saṃvedana svayaṃ karatā hai| isameṃ na to kṣaṇabheda hai aura na parokṣatā hī| jñāna ke svaprakāśī hone meṃ yaha bādhā bhī ki-vaha ghaṭādi padārthoṃ kī taraha jñeya ho jāyagā-nahīṃ ho sakatī%B kyoṃki jñāna ghaṭa ko jñeyatvena jānatā hai tathā apane svarūpa ko jñānarūpa se| ataḥ usameṃ jñeya. rūpatā kā prasaṅga nahīṃ ā sakatā| isake lie dīpaka se bar̤hakara samadṛṣṭānta dūsarā nahīṃ ho sakatā| dīpaka ke dekhane ke lie dūsare dīpaka kī āvaśyakatā nahīṃ hotī, bhale hī vaha padārthoṃ ko manda yā aspaṣṭa dikhāve para apane rūpa ko to jaise kā taisā prakāśita karatā hī hai| jñāna cāhe saṃśayarūpa ho yā viparya yarūpa yā anadhyavasāyātmaka svayaṃ apane jñānarūpa kā prakāśaka hotā hī hai|
v1.p42.2
jñāna meṃ saṃśayarūpatā viparyayarūpatā yā pramāṇatā kā niścaya bāhyapadārtha ke yathārthaprakāśakatva aura ayathārthaprakāśakatva ke adhīna hai para jñānarūpatā yā prakāśarūpatā kā niścaya to usakā svādhīna hī hai usameṃ jñānāntara kī āvaśyakatā nahīṃ hotī aura na vaha ajñāta raha sakatā hai| tātparya yaha ki koī bhī jñāna jaba upayoga avasthā meṃ ātā hai taba ajñāta ho kara nahīṃ raha sakatā| hām̐, labdhi vā śakti rūpa meṃ vaha jñāta na ho yaha judī bāta hai kyoṃki śakti kā parijñāna karanā viśiṣṭajñāna kā kārya hai| para yahām̐ to praśna upayogātmaka jñāna kā hai| koī bhī upayogātmaka jñāna ajñāta nahīṃ raha sakatā, vaha to jagātā huā hī utpā hotā hai use apanā jñāna karāne ke lie kisī jñānāntara kī apekṣā nahīṃ hai| yadi jñāna ko parokṣa mānā jāya to usakā sadbhāva siddha karanā kaṭhina ho jāyagā | arthaprakāśa rūpa hetu se usakī siddhi karane meṃ nimnalikhita bādhāem̐ haiṃ–pahile to arthaprakāśa svayaṃ jñāna hai ataḥ jaba taka arthaprakāśa ajñāta hai taba taka usake dvārā mūlajñāna kī siddhi nahīṃ ho sakatī| yaha eka sarvamānya siddhānta hai ki-"apratyakṣopalambhasya nārthasiddhiḥ prasidhyati'' arthāt apratyakṣa-ajñāta jñāna ke dvārā arthasiddhi nahīṃ hotī | “nājñātaṃ jñāpakaṃ nāma"-svayaṃ ajñāta dūsare kā jñāpaka nahīṃ ho sakatā| yaha bhī sarvasammata nyāya hai | phalataḥ yaha āvaśyaka hai ki pahile arthaprakāśa kā jñāna ho jāya |
v1.p42.3
yadi arthaprakāśa ke jñāna ke liye anyajñāna apekṣita ho to urā anyajñāna ke lie tadanyajñāna isa taraha anavasthā nāma kā dṛṣaṇa ātā hai aura isa anantajñānaparamparā kī kalpanā karate rahane meṃ ādyajñāna ajñāta hī banā rahegā| yadi arthaprakāśa svavedī hai to prathamajñāna ko svavedī mānane meṃ kyā bādhā hai? svavedī arthaprakāśa se hī arthabodha ho jāne para mūla jñāna kī kalpanā hī nirarthaka ho jātī hai| dūsarī bāta yaha hai ki jaba taka jñāna aura arthaprakāśa kā avinābhāva sambandha gṛhīta nahīṃ hogā taba taka usase jñāna kā anumāna nahīṃ kiyā jā sakatā| yaha avinābhāvagrahaṇa apanī ātmā meṃ to isalie nahīṃ bana sakatā ki abhī taka jñāna hī ajñāta hai tathā anya ātmā ke jñāna kā pratyakṣa nahīṃ ho sakatā| ataḥ avinābhāva kā grahaṇa na hone ke kāraṇa anumāna se bhī jñāna kī sattā siddha nahīṃ kī jā sakatī| isī taraha padārtha, indriyām̐, mānasika upayoga ādi se bhī mūlajñāna kā anumāna nahīṃ ho sakatā | kāraṇa-inakā jñāna ke sātha koī avinābhāva nahīṃ hai | padārtha ādi rahate haiṃ para kabhī kabhī jñāna nahīṃ hotā| kadācit avinābhāva ho bhī to usakā grahaṇa nahīṃ ho sakatā| āhlādanākāra pariṇata jñāna ko hī sukha kahate haiṃ| sātasaṃvedana ko sukha aura asātasaṃvedana ko duḥkha sabhī vādiyoṃ ne mānā hai| yadi jñāna ko svasaṃvedī nahīṃ mānakara parokṣa mānate haiṃ to parokṣa sukha
Linked texts (1)
- Nyāyaviniścaya — Akalaṅka, Sanskrit