Nyayavinishcaya v1.p52
Nyāyaviniścayavivaraṇa v1.p52
- Language
- Sanskrit
v1.p52.1
nyāyaviniścayavivaraṇa haiṃ | atantaḥ dhrauvya itanā hī hai ki eka dravya kī pūrvaparyāya dravyāntara kī uttara-paryāya nahīṃ banatī aura na vahīṃ samāpta hotī hai| isa taraha dravyāntara se asāṅkarya kā niyāmaka hī dhrauvya hai | isake kāraṇa pratyeka dravya kī apanī svatantra sattā rahatī hai aura niyata kāraṇakārya paramparā cālū rahatī hai| vaha na vicchinna hotī hai aura na saṃkara hī| yaha bhī atisuniścita hai ki kisī bhī naye dravya kā utpāda nahīṃ hotā aura na maujūda kā atyanta vināśa hī | kevala parivartana, so bhī pratikṣaṇa nirābādha gati se|
v1.p52.2
isa prakāra pratyeka dravya apanī svatantra sattā rakhatā hai| vaha ananta guṇa aura ananta śaktiyoṃ kā dhanī haiṃ|| paryāyānusāra kucha śaktiyām̐ āvirbhūta hotī haiṃ kucha tirobhūta | jainadarśana meṃ sat kā eka lakṣaṇa to hai "utpādavyayadhrauvyayukta sat" dūsarā hai “sad dravyalakṣaṇam'| ina donoṃ lakṣaṇoṃ kā mathitārtha yahī hai ki dravya ko sat kahanā cāhie aura vaha dravya pratikṣaṇa utpāda vyaya ke sātha hī sātha apane avicchinnatā rūpa dhauvya ko dhāraṇa karatā hai| dravya kā lakṣaṇa hai-'guṃgaparyayavad dravyam" arthāt guṇa aura paryāyavālā dravya hotā hai| guṇa sahabhāvī aura aneka śaktiyoṃ ke pratirūpa hote haiṃ jaba ki paryāya kramabhāvī aura eka hotī hai | dravya kā pratikṣaṇa pariṇamana eka hotā hai| usa pariṇamana ko hama una una guṇoṃ ke dvārā aneka rūpa se varṇana kara sakate haiṃ| eka pudgalāṇu dvitīya samaya meṃ parivartita huā to usa eka pariṇamana kā vibhinna rūparasādi guṇoṃ ke dvārā aneka rūpa meṃ varṇana ho sakatā hai| vibhinna guṇoṃ kī dravya meṃ svatantra sattā na hone se svatantra pariṇamana nahīṃ māne jā sakate| akalaṅkadeva ne pratyakṣa ke grāhya artha kā varṇana karate samaya dravya-paryāya-sāmānya-viśeṣa isa prakāra jo cāra viśeṣaṇa die haiṃ ve padārtha kī upayuka sthiti ko sūcita karane ke lie hī haiṃ| dravya aura paryāya padārtha kī pariṇati ko sūcita karate haiṃ tathā sāmānya aura viśeṣa anugata aura vyāvṛtta vyavahāra ke viṣayabhūta dharmoṃ kī sūcanā dete haiṃ| naiyāyika vaiśeṣika-pratyaya ke anusāra vastu kī vyavasthā karate haiṃ|
v1.p52.3
inhoṃne jitane prakāra ke jñāna aura śabda vyavahāra hote haiṃ unakā vargīkaraṇa karake asāṅkaryabhāva se utane padārtha mānane kā prayatna kiyā hai| isīlie inheṃ 'saṃpratyayopādhyāya' kā jātā hai| para pratyaya arthāt jñāna aura śabda vyavahāra itane aparipūrṇa aura lacara haiṃ ki ina para pūrā pūrā bharosā nahīṃ kiyā jā sakatā| ye to vastu svarūpa kī ora iśārā mātra hī kara sakate haiṃ| 'dravyam dravyam' aisā pratyaya huā eka dravya padārtha māna liyā | 'guṇa guṇa' pratyaya huā guṇa padārtha māna liyā | 'karma karma' aisā pratyaya huā karma padārtha māna liyā| isa taraha inake sāta padārthoṃ kī sthiti pratyaya ke ārdhāna hai| parantu pratyaya se maulika padārtha kī sthiti svīkāra nahīṃ kī jā sakatī| padārtha to apanā akhaṇḍa ṭhosa svatantra astitva rakhatā hai. vaha apane pariṇamana ke anusāra aneka pratyayoṃ kā viṣaya ho sakatā hai | guṇa kriyā sambandha ādi svatantra padārtha nahīṃ haiṃ, ye to dravya kī avasthāoṃ ke vibhinna vyavahāra haiṃ| isī taraha sāmānya koī svatantra padārtha nahīṃ hai jo nitya aura eka hokara aneka svatantra sattāka vyaktiyoṃ meṃ motiyoṃ meṃ sūta kī taraha piroyā gayā ho| padārthoṃ ke parigamana kucha sadṛśa bhī hote haiṃ aura kucha visadṛśa bhī| do vibhinna sattāka vyaktiyoṃ meṃ bhūyaḥsāmya dekhakara anugata vyavahāra hone lagatā hai |
v1.p52.4
aneka ātmāem̐ apane vibhinna śarīroṃ meṃ vartamāna haiṃ para jinakī avayavaracanā amuka prakāra kī sadṛśa hai unameṃ 'manuṣyaḥ manuṣyaḥ' aisā sāmānya vyavahāra kiyā jātā hai tathā jinakī ghor̤oṃ jaisī unameṃ 'aśvaḥ aśvaḥ' yaha vyavahāra | jina ātmāoṃ meṃ sādṛśya ke ādhāra se manuṣya vyavahāra huā hai unameṃ manuṣyatva nāma kā koī sāmānya padārtha, jo ki apanī svatantra sattā rakhatā hai, ākara samavāyanāmaka sambandha padārtha se rahatā hai yaha kalpanā padārthasthiti ke viruddha hai| 'sat sat' 'dravyam dravyam' ityādi prakāra ke sabhī anugata vyavahāra sādṛśya ke ādhāra se hī hote haiṃ| sādṛśya bhī ubhayaniṣṭha koī svatantra padārtha nahīṃ haiṃ| kintu yaha bahuta avayavoṃ kī samānatā rūpa hī hai| tattad avayava una una vyaktiyoṃ meṃ rahate hī haiṃ| unameṃ samānatā dekhakara draṣṭā usa rūpa se anugata vyavahāra karane lagatā hai| vaha sāmānya nitya eka aura niraṃśa hokara yadi sarvagata hai to use vibhinna deśastha svavyaktiyoṃ meṃ khapa uśaḥ rahanā hogā; kyoṃki eka vastu eka sātha bhinna deśa meṃ pūrṇarūpa se nahīṃ raha sakatī| nitya niraśa sāmānya jisa