[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Nyayavinishcaya](https://indike.org/pramana/in.jaina.anuyoga.phil.nyayaviniscaya) › 10.8-2 # Nyayavinishcaya 10.8-2 Nyāyaviniścaya 10.8-2 - **Language:** Sanskrit ### [10.8-2](https://indike.org/pramana/in.jaina.anuyoga.phil.nyayaviniscaya.10.8-2) iti vyavasthāyo niveditatvāt | tato nāsmādupāyādindriyavyāpārasya kṣaṇaniyamapratipattiḥ | tadvyāpārajanitasya pratyakṣasya kṣaṇaniyamāt tadvyāpārasyāpi tanniyamapratipattiriti cet ; tatpratyakṣasya kutastanniyamaḥ ? tadvyāpārasya tanniyamāditi cet ; na; parasparāśrayāt-indriyavṛtteḥ kṣaṇaniyatatve tatpratyakṣaṃ kṣaṇaniyataṃ syāt , tasmiṃśca sati tanniyamapratipattiḥ kṣaṇaniyatā syāditi | svata 5 evandriyavṛttestanniyamaḥ pratīyata iti cet ; na; tadvṛtteracetanatvāt | cetaneva tadvṛttiḥ tadvṛttitvāt svapnopalabdhatadvṛttivaditi cet ; na ; taccetanatvasya “viplutākṣa” ityādau nirākaraṇāt | tanna kutaścidapi tadvyāpārasya tanniyamasya siddhiḥ siddhasyāpi na gamakāṅgatvaṃ vyabhicārāt | dṛśyate hi samayaparyavasitādapi tadvyāpārād alātakṣaṇeṣvanvayadarśanam anyathā cakrabhrānterabhāvaprasaṅgāt tasyāstadanvayajñānarūpatvāt, tajjñānasya 10 cendriyajatvāt | upaghātavaśādalapasamayādapi tadvyāpārāccakrajñānamaviruddhamiti cet ; na ; stambhakṣaṇeṣvapi tata evānvayajñānasyāvirodhaprasaṅgāt | kutastatropaghāta iti cet ? alātakṣaṇeṣu kutaḥ ? teṣāmeva śīghravṛttinirodhinimantraṇamiti cet ; na; stambhakṣaṇānāmapi śīghravṛttitvāviśeṣāt, anyathā vilambya pratipattiprasaṅgāt | upaghātajatve alātacakrajñānavan tadanvayajñānasyāpi vibhramaḥ syāditi cet ; na; tathāpi vyabhicārasyāparihārāt | api ca, yadi 15 tadvibhrameṇa prayojanaṃ mā bhūdupaghātanibandhanaṃ tadanvayajñānam , anugrahanibandhanaṃ tu syāt, viṣayakṣaṇānvayena vastubhūtenaiva tannimittasadbhāvāt | viṣayasyākāraṇatvāt kathaṃ tadanvayasyānugrāhakatvamiti cet ; upaghātakatvaṃ katham ? saugate mate viṣayasya kāraṇatvāditi cet; anugrāhakatvamapi tata evāstu taṃ pratyeva tadanvayasya vastubhāvopapādanāt , tadvastubhāvasyāpariskhalitāttajjñānādeva pratipatteḥ | na caivam alātacakrākārasyāpi vastubhāvaḥ; karavyāpārakṛtaśī20 ghraparivarttanābhāve'pi tatpratipattiprasaṅgāt , vastupratipattau tatparivarttanasyākiñcitkaratvāt tadeva tatra sāmagrīti cet ; gatamidānīṃ vibhramavārttayā, kācāderapi rajanīkare dvyākārapratipattau sāmagrīrūpatvopapatteḥ , tadvyākārasyāpi vastutvaprasaṅgāt | bādhakapratyayopanipātasya cakrākāre'pi bhāvāt | tannāparimanthinapratyayavaśena tadākārasya yato vastubhāvaḥ syāt | stambhādyanvayajñānamapi pariskhalitameva manovikalpatvān marīcikātoyavikalpavat | kṣaṇakṣīgāni hi stambhasvala25 kṣaṇāni pratyakṣato vedyante, tadanantarakālabhāvī tu manovikalpaḥ tadanvayamavidyamānamevopadarśayatīti cet ; na; tasyendriyavyāpārānvayavyatirekānuvidhāyino manovikalpatvānupapatteḥ alātacakravibhramasyāpi tadvikalpatvaprasaṅgāt | tathā ca vyāhatametatātmanā'nekarūpeṇa bahirarthasya tādṛśaḥ vicitraṃ grahaṇaṃ vyaktaṃ viśeṣaṇaviśeṣyabhāk - [Previous: 10.8](https://indike.org/pramana/in.jaina.anuyoga.phil.nyayaviniscaya.10.8) - [Next: 10.451](https://indike.org/pramana/in.jaina.anuyoga.phil.nyayaviniscaya.10.451) - [Up: 10](https://indike.org/pramana/in.jaina.anuyoga.phil.nyayaviniscaya.10) --- Source: [https://indike.org/pramana/in.jaina.anuyoga.phil.nyayaviniscaya.10.8-2](https://indike.org/pramana/in.jaina.anuyoga.phil.nyayaviniscaya.10.8-2) · Pramāṇa