[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.101 # Dvadasharanayacakra 1.101 Nyāyāgamānusāriṇī 1.101 - **Language:** Sanskrit ### [1.101](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.101) avyaktisāmyāvasthānānupapatteśceti . aprayojanatvādibhiranabhivyaktisāmyāvasthāne anupapanne, tataścāvyaktisāmyāvasthānānupapatteḥ kimiti kiṃ kāraṇaṃ jagadevaṃsvabhāvamiti na gṛhyate ? ityabhisambandhaḥ . satatasamavasthitasamanupravṛttīti, satataṃ sarvakālaṃ samavasthitā nityānuparatā samanupravṛttiḥ kāraṇakāryapravṛttyātmikā prakarṣeṇa vṛttiryasya tadidaṃ jagat satatasamavasthitasamanupravṛtti . pratyakṣakāraṇanānābhedābhivyaktisvabhāvamiti, pratyakṣāṇi ca tāni kāraṇāni ca pratyakṣakāraṇāni mṛtpiṇḍadaṇḍacakrodakasūtra- kulālādīni ghaṭādīnāṃ kāryāṇām, tāni nānājātīyāni, tantuturīvemakuvindādīni paṭādīnāmityevaṃprakārāṇi, teṣāṃ bhedāḥ pratyakṣakāraṇanānābhedāḥ, taisteṣāṃ vābhivyaktirghaṭapaṭādikāryarūpeṇa, saiva svabhāvo yasya tadidaṃ pratyakṣakāraṇanānābhedābhivyaktisvabhāvam . kiṃ tat ? jagat . evetyavadhāraṇe, kimavadhārayati ? pratyakṣadṛṣṭaśukraśoṇitāhārādikāraṇānyeva ityavadhārayati . kimato nirastam ? avyaktādi adṛṣṭaṃ kāraṇāntaram . tasmād dṛṣṭakāraṇanānābhedābhivyaktisvabhāvamevedaṃ jagat kimiti nābhyupagamyate ? kimityadṛṣṭaṃ kāraṇāntaraṃ parikalpyate ? iti . evaṃ tāvat kāraṇe kāryasadasattvāniyama uktaḥ . - [Previous: 1.100](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.100) - [Next: 1.102](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.102) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.48) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.101](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.101) · Pramāṇa