[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.104 # Dvadasharanayacakra 1.104 Nyāyāgamānusāriṇī 1.104 - **Language:** Sanskrit ### [1.104](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.104) arthyo hītyādi . arthādanapeto'rthyaḥ . hiśabdo yasmādarthe, yasmāt kriyāyā evopadeśo'rthyaḥ sasādhanāyāḥ phalādisambandhinyāḥ, citrādivat . ādigrahaṇāccitrapustakāṣṭhakarmādivat . yathāvayavasthānavinyāsavarṇasaṃyogapravibhāgaviṣayaviniyogādyupadeśa evopayogāt sārthakaḥ, na kuḍyavarṇacitrakārādisvarūpopadeśaḥ tatra tadanupayogāt, tathā nityakṣaṇikatvāditattvavarṇanaṃ ghaṭapaṭādeḥ triguṇakāraṇapūrvakatvādivarṇanaṃ jagataḥ satatasaṃpravṛttikṣaṇikānupākhyatvādivarṇanaṃ vā . syānmatam--pradhānakṣaṇabhaṅgādivādārambho'pratyakṣaviṣayatvāt sārthakaḥ, kriyākriyāphalasambandhopadeśavaditi . etadapi nopapadyate, yasmād na tu laukika eva gṛhyamāṇe'rthe idamevaṃ naivaṃ vetinaivaṃ ceti sārthako vicāra ityabhisambandhaḥ, prasiddhārthaviṣayasya vicārasyāniṣṭhādoṣaniṣṭhatvāt . neti pratiṣedhe, turviśeṣaṇe, loke bhavo laukikaḥ, deśakālapuruṣakriyā- viśeṣādyapekṣarūpādimadarthe kāryakāraṇamṛtpiṇḍādighaṭādyākārādike pratyakṣata eva gṛhyamāṇe idaṃ sarvaṃ sattvarajastamaḥsaṃjñatriguṇātmakameva, na caitadevam; kṣaṇabhaṅgajanmātmakam, na vaivamcaivam ityādivicāraḥ kiṃsambandhaḥ ? kimphalaḥ ? ko vātra puruṣārthasādhanaparijñānopayogaḥ ? iti vimṛśyatāṃ bhavadbhireva . - [Previous: 1.103](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.103) - [Next: 1.105](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.105) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.51) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.104](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.104) · Pramāṇa