[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.108 # Dvadasharanayacakra 1.108 Nyāyāgamānusāriṇī 1.108 - **Language:** Sanskrit ### [1.108](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.108) athavā śāstranirūpaṇaviparītamapramāṇam, nirapavādatvāt iti vakṣyate, śāstranirūpaṇaṃ pṛthivīgandhavattvādi prakṛtipuruṣādi vā, tasya vā viparītaṃ tarkataḥ pratipādyamānamapramāṇam, pratyakṣatarkayo- sarvasyaivāpoditatvāddeśakālakṛtaviśeṣaikāntinaḥ . sarvasarvātmakaikānte maṇḍūko'pi lomaśa eva, arthānarthaviṣayasāmānyaviśeṣanānātvaikānte'tadātmakatvāt raviṣayārthatvācchāstrasya kenāpodyate śāstram ? na hariṇasvarūpādi . viparītamapramāṇam iti vartate, kasya ? pratyakṣaprasiddheḥ . kasmāt ? sāpavādatvāt . taddhi hariṇālomatvādi pratyakṣaprasiddhena lomaśatvādinā nirākriyamāṇatvādapramāṇameveti . laukika āha --na, sarvasyaivāpoditatvāditi . śāstreṣvapi hi hariṇasvarūpādi pratyakṣasiddhamapodyata eva, kathaṃ nirapavādatvaṃ śāstrāṇām ? varaṃ hariṇasvarūpādiviparītapratipādanaṃ tarkataḥ tanmātrāpavādāt, tārkikaistu śāstreṇa sarvamapodyate pratyakṣato lokaprasiddhaṃ kāraṇaṃ kāryaṃ ca . tat kathamiti cet, deśakālakṛtaviśeṣaikāntinaḥ, deśakṛtaḥ kālakṛtaśca viśeṣo deśakālakṛtaviśeṣaḥ, sa evaikāntaḥ, sa yasyāstyasau deśakālakṛtaviśeṣaikāntī, tasya vādinaḥ pratideśaṃ pratisamayaṃ ca sarvaṃ viśiṣṭameva na samānaṃ kiñcit . ato yāvadaṇuśo rūpādiśo vijñānamātraśo nirupākhyatvaśaśca bhedāt kuto hariṇaḥ ? kutastasya lomādyavatiṣṭhate ? ataḥ sarvamapoditam, kiṃ vā nāpoditam ? kiṃ vātra pratyakṣamanumānaṃ ceti ? - [Previous: 1.107](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.107) - [Next: 1.109](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.109) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.55) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.108](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.108) · Pramāṇa