[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.112 # Dvadasharanayacakra 1.112 Nyāyāgamānusāriṇī 1.112 - **Language:** Sanskrit ### [1.112](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.112) hariṇādisvarūpavitathoktau prasiddhiviruddhapratijñatvādevātathātvamiti cet . cedityāśaṅkāyām, syādāśaṅkā--hariṇasvarūpaṃ lomaśatvam, tasya vitathoktiralomā hariṇa iti, tasyāṃ vitathoktau prasiddhiviruddhā pratijñā yasya sa prasiddhiviruddhapratijñaḥ, tadbhāvaḥ prasiddhiviruddhapratijñatvam, tasmādeva atathātvamiti . atrocyate --na, uktavat tulyatvāt . neti pratiṣedhe, naitadapyupapadyate . kiṃvat ? uktavat, uktena tulyamuktavat . yathoktam --śāstranirūpaṇaviparītamapramāṇaṃ nirapavādatvāditi, tenaitadapi tulyam— hariṇādisvarūpavitathoktau prasiddhiviruddhapratijñatvādeva atathātvam iti, atrāpi uttarasyāpi tulyatvāt . kathamiti cet, na, sarvasyaivāpoditatvādityādi sarvaṃ tadeva yāvat khapuṣpavat, anyathā bālakumāravaditi . kiñca, lokasya cāpramāṇīkṛtatvāttathā kutaḥ prasiddhivirodhaḥ ? kva vā tat prasiddhamiti . kiñcānyat --evaṃ vacane'bhyupagamavirodhāt . nanu bhavatāmekāntavādināṃ lokamapramāṇīkṛtya lokaprasiddhiviruddhapratijñatvadoṣāpādanamabhyupagamavirodhāya kalpate, tasmādayuktamevaṃ vaktumiti . - [Previous: 1.111](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.111) - [Next: 1.113](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.113) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.57) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.112](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.112) · Pramāṇa