[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.115 # Dvadasharanayacakra 1.115 Nyāyāgamānusāriṇī 1.115 - **Language:** Sanskrit ### [1.115](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.115) tathā viśeṣaikānte kutastatpakṣaḥ sapakṣastatsattvaṃ vā ? deśataḥ paramāṇuśo rūpādiśo vijñānamātraśo'nupākhyatvaśaśca bhedāt kālato'tyantaparamaniruddhakṣaṇādūrddhamanavasthānācca kutastatpakṣaḥ, atrāpi tasya pakṣo vakturvacanasya vā, sa eva pakṣaḥ ityartha eva vā, anityaḥ śabdaḥ iti dharmadharmiṇorviśeṣaṇaviśeṣyayoścāsambhavāt . kutaḥ sapakṣaḥ, arthāntarasambaddhasāmānyābhāvāt, sādhyābhāvasāmānyābhyupagame sapakṣāsapakṣāviśeṣaprasaṅgāt . kutaḥ sattvaṃ tatra, tadabhāvāt kṛtakatvādisavikalpadharmāntarābhāvāt parasparavilakṣaṇanirvyāpāradharmamātratvāt sarvadharmāṇāṃ nirupākhyatvaśūnyatvaparamārthatvācca . pūrvavacca prativādipakṣāsapakṣavyāvṛttyabhāvo vāśabdāt . pūrvavaccopasaṃhṛtya tadarthāvabodhano heturucyate --tathā'sthiteḥ . tena prakāreṇa tathā kṣaṇikanirvyāpāraśūnyatvaprakāreṇa asthiteḥ kasyacidarthasyeti viśeṣaikānte'pi sarvatra sapakṣavṛttyādyasattvāpattiritthamiti . - [Previous: 1.114](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.114) - [Next: 1.116](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.116) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.59) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.115](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.115) · Pramāṇa