<!-- Pramāṇa, a library of Indian primary sources · https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.116 -->

[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.116

# Dvadasharanayacakra 1.116

Nyāyāgamānusāriṇī 1.116

- **Language:** Sanskrit

### [1.116](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.116)

tathā ubhayānekatvaikānte . ubhayamiti sāmānyaviśeṣau, tadubhayamanekaṃ bhinnaṃ parasparataḥ ityetasminnapyekānte sādhyasādhanadharmadharmiṇa eva kutaḥ ? sādhyasya tāvadanityatvasyābhāvaḥ, dharmamātrasya dṛṣṭāntābhyupagamāt pratyakṣapramāṇīkaraṇāllokatvāpatteḥ pratijñātavyāghātaḥ . śāstratvādalokatvamiti cet, na, lokāśrayatvāt teṣāṃ śāstrāṇām . tāni hi śāstrāṇi sāmānyaviśeṣakāraṇakāryamātrāṇāṃ sarvatrādhyāropeṇa praṇītāni . nirmūlatvāt, khapuṣpavat; tathā sādhanasyāpi kṛtakatvasya . kṛtamityanukampitaṃ kutsitamajñātaṃ vā kṛtakam . nirmūlatvaṃ punardravyādatyantabhinnatvāditi dharmayorabhāvaḥ . dharmiṇorapi śabdaghaṭayoḥ aguṇākarmatvādibhyo hetubhyaḥ pūrvoktavadabhāva eva . tatsaṅgrahaheturapyucyate --tathā'pūrvatvāt . apūrvatvamamūlatvam, dravyaguṇādīnāṃ parasparato'tyantamanyatvāt . evaṃ tāvat sapakṣāsapakṣavṛttyavṛttiviparītatvāt tavaiva atarkatvadoṣo dṛṣṭāntabalāt tarkasiddherityaviśeṣaviśeṣobhayānekatvaikāntavādeṣūktā doṣāḥ .

- [Previous: 1.115](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.115)
- [Next: 1.117](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.117)
- [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1)

## Linked texts (1)

- [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.59) — Mallavādin, Sanskrit

---
Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.116](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.116) · Pramāṇa
