[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.119 # Dvadasharanayacakra 1.119 Nyāyāgamānusāriṇī 1.119 - **Language:** Sanskrit ### [1.119](https://indike.org/pramana/in.jaina.post.dvadasaranayacakra!simhasuri.1.119) anyatra dṛṣṭasyādhyāropād ghaṭatattvavadalaukikatvamiti cet . syānmatam--laukikam iti indriyagrāhyamucyate ghaṭarūpādivat . yadatra ghaṭe ghaṭatattvaṃ pṛthukukṣyāvikukṣyādyākāraviśeṣastadanyatra ghaṭāntare'dhyāropyate, tacca nāsti adhyāropādeva . lokasaṃvādāttu pratipādanārtho'dhyāropaḥ . evaṃ śāstrāṇāmapyadhyāropādevālaukikatvamiti nāsti pratijñātavyāghātadoṣo yaṃ bhavān manyate lokatvāpatteriti . atra brūmaḥ --na, vyāmohasya mṛgatṛṣṇikāvadalaukikatvāt tathā . tena prakāreṇa tathā, satyam, bhavati tadalaukikamaviśuddhatvād mṛgatṛṣṇikādijñānavat . viśuddhalokasya na punarupapadyate, mṛgatṛṣṇikācadeva tasya vyāmohasyāprāmāṇyaprasaṅgāt . ūṣarabhūpradeśe graiṣmoṣmasantaptacakṣuṣo ravikiraṇāḥ patitāḥ pratyutpatanto dūrād vyāmohahetavastoyavadābhāsante . tasmācchāstravijñānasya mṛgatṛṣṇikāvijñānavadaprāmāṇyaprasaṅgādasamañjasodgrāham . - [Previous: 1.118](https://indike.org/pramana/in.jaina.post.dvadasaranayacakra!simhasuri.1.118) - [Next: 1.120](https://indike.org/pramana/in.jaina.post.dvadasaranayacakra!simhasuri.1.120) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.1.27) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.119](https://indike.org/pramana/in.jaina.post.dvadasaranayacakra!simhasuri.1.119) · Pramāṇa