[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.127 # Dvadasharanayacakra 1.127 Nyāyāgamānusāriṇī 1.127 - **Language:** Sanskrit ### [1.127](https://indike.org/pramana/in.jaina.post.dvadasaranayacakra!simhasuri.1.127) atrocyate --nanvaviśeṣādiṣvasataḥ pakṣāderupādānāllokābhyupagamāditi . sarvaṃ sarvātmakam ityetasminnaviśeṣaikānte'bhyupagate punaḥ nityaḥ śabdaḥ ityasya pakṣasya taddhetordṛṣṭāntasya cābhāvaḥ pūrvoktebhyo hetubhyo nirviśeṣatvādibhyaḥ . tathā viśeṣaikānte pūrvoktahetubhya eva pakṣādīnāmabhāvo nirmūlatvādibhyaḥ . ubhayānekatvaikānte'pi parasparavibhinnasvabhāvānāṃ sāmānyaviśeṣakāryakāraṇānāmabhāva ityuktam . tasmādaviśeṣādiṣvasataḥ pakṣāderlokamatasiddhasyopādānālloka eva punarabhyupagato bhavati agatibhiḥ śāstravidbhiḥ . tasmāllokābhyupagamāllokaḥ pramāṇīkṛta eva kiñcidakiñcittathānyathā ityādiparasparavilakṣaṇavyavahārābhyupagamācca lokāprāmāṇyaṃ na sidhyatīti te yūyaṃ sudūramapi gatvā lokameva śaraṇaṃ gantumarhatha śāstravidaḥ . evaṃ śāstravyavahāro lokadarśanamantareṇa na sidhyatīti vākyaviṣayaḥ padaviṣayo vā tataḥ sākṣāllokapakṣāpattyābhyupagamavirodha ityuktaḥ . - [Previous: 1.126](https://indike.org/pramana/in.jaina.post.dvadasaranayacakra!simhasuri.1.126) - [Next: 1.128](https://indike.org/pramana/in.jaina.post.dvadasaranayacakra!simhasuri.1.128) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.65) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.127](https://indike.org/pramana/in.jaina.post.dvadasaranayacakra!simhasuri.1.127) · Pramāṇa