[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.130 # Dvadasharanayacakra 1.130 Nyāyāgamānusāriṇī 1.130 - **Language:** Sanskrit ### [1.130](https://indike.org/pramana/in.jaina.post.dvadasaranayacakra!simhasuri.1.130) kiñcānyat --lokāprāmāṇye ca śāstrakārāṇāṃ sarvatra pade pade vākye vākye pratyakṣānumānavirodhāvupasthitāveva . tatra tāvat aṃśe pratyakṣavirodha ityādyabhihitaṃ pūrvam, idānīṃ sarvatra pratyakṣavirodho vācya iti viśeṣaḥ . anumānavirodho vā noktaḥ so'bhidheyaḥ, tadanuṣaṅgeṇa punaḥ pratyakṣavirodhavacanaṃ ca tatpūrvakatvādanumānasyeti . śāstrakārapravṛtterlokaviruddhatvādeva pratyakṣānumānavirodhāvapyupasthitāveva . evetyavadhāraṇe, na na bhavataḥ, bhavata evetyarthaḥ . kiṃ kāraṇam ? tatsthatvāt tayoḥ . lokanāddhi loko'nupahatendriyamanaskaḥ prāṇigaṇo loka ityucyate . tayoḥ tasmim̐lloke sthitatvāt pratyakṣānumānayoḥ lokaścedapramāṇaṃ lokasthe pratyakṣānumāne prāgevāpramāṇe . athavā sa eva sthitastatsthaḥ, supi sthaḥ pā॰ 3 . 2 . 4 iti vacanāt, loka eva prāmāṇyena vyavasthitaḥ . kva ? tayoḥ pratyakṣānumānayoḥ . sa eva lokaḥ pratyakṣānumānajñānādhāratvāt tadrūpāpatteśca pratyakṣamanumānaṃ ca, tatastadaprāmāṇye tayoraprāmāṇyamiti . - [Previous: 1.129](https://indike.org/pramana/in.jaina.post.dvadasaranayacakra!simhasuri.1.129) - [Next: 1.131](https://indike.org/pramana/in.jaina.post.dvadasaranayacakra!simhasuri.1.131) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.66) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.130](https://indike.org/pramana/in.jaina.post.dvadasaranayacakra!simhasuri.1.130) · Pramāṇa