[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.133 # Dvadasharanayacakra 1.133 Nyāyāgamānusāriṇī 1.133 - **Language:** Sanskrit ### [1.133](https://indike.org/pramana/in.jaina.post.dvadasaranayacakra!simhasuri.1.133) cakṣurvijñānasamaṅgī nīlaṃ vijānāti no tu nīlam iti abhidharmāgamo'pīti viśvastameva laukikapratyakṣavilakṣaṇaṃ kalpyamānamacīkḷpaḥ, tavāgamo'pyevameveti darśayati . cakṣurvijñānasamaṅgī cakṣurvijñānasamanvayī santānaḥ, agi ragi lagi gatyarthāḥ pā॰ dhā॰, cakṣurvijñānaṃ samaṅgituṃ śīlamasyeti cakṣurvijñānasamaṅgī, evaṃ śrotrādivijñānasamaṅginaḥ . nīlaṃ vijānāti, rasādiviviktaṃ rūpaṃ svalakṣaṇaṃ vijānāti . no tu nīlam iti vijānāti, itiśabdasya śabdaparyāyatvāt idaṃ tad nīlam iti śabdanirdeśyaṃ na vijānāti, apaṭutvādindriyavijñānasya kutaḥ śaktirevaṃ kalpayitum . - [Previous: 1.132](https://indike.org/pramana/in.jaina.post.dvadasaranayacakra!simhasuri.1.132) - [Next: 1.134](https://indike.org/pramana/in.jaina.post.dvadasaranayacakra!simhasuri.1.134) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.1.30) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.133](https://indike.org/pramana/in.jaina.post.dvadasaranayacakra!simhasuri.1.133) · Pramāṇa