[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.134 # Dvadasharanayacakra 1.134 Nyāyāgamānusāriṇī 1.134 - **Language:** Sanskrit ### [1.134](https://indike.org/pramana/in.jaina.post.dvadasaranayacakra!simhasuri.1.134) prakaraṇapāde'pyuktamiti bhavatsaṃmatāgamavyākhyānagranthāntare'pyetadarthānuvādinyabhihitamiti darśayati . nīlaḥ sa nāma nīlaṃ neti ślokaḥ . yadetannīlametaditi nāmnā nirdeśo nīlamasya nāma etannirūpaṇavikalpakṛtam . na nīlārthaḥ nīlasya rūpasya vastunaścakṣurindriyaviṣayasya paramārthaḥ svarūpato'nakṣaraḥ akṣarairvyañjana-pada-nāmakāyairanabhilapanīyaḥ . sa ca puruṣo nirūpaṇakāle svayaṃ niścinvannanusmaraṇakāle vānusmaran paraṃ pratipipādayiṣan vā nīlamiti vācaṃ bhāṣamāṇo nīlasyārthamanabhilāpyasvarūpaṃ svajñānāṃśavadavikalpaṃ na paśyati, tadā tatsvarūpaviṣayasyāvikalpasya nīlārthavijñānasya ca niruddhatvāt tadānyasya nīlaśabdābhilāpyasyādhyāropitasya sāmānyasya indriyagocarānāgateḥ . - [Previous: 1.133](https://indike.org/pramana/in.jaina.post.dvadasaranayacakra!simhasuri.1.133) - [Next: 1.135](https://indike.org/pramana/in.jaina.post.dvadasaranayacakra!simhasuri.1.135) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.1.30) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.134](https://indike.org/pramana/in.jaina.post.dvadasaranayacakra!simhasuri.1.134) · Pramāṇa