[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.136 # Dvadasharanayacakra 1.136 Nyāyāgamānusāriṇī 1.136 - **Language:** Sanskrit ### [1.136](https://indike.org/pramana/in.jaina.post.dvadasaranayacakra!simhasuri.1.136) na tvarthe dharmasaṃjñī ityasya vyākhyā --na tvarthe . neti pratiṣedhe, tu viśeṣaṇe, tamarthamadhyāropaviśiṣṭaṃ pratiṣedhati . tasminneva rūpādike'rthe na tu yadṛcchādināmasaṃjñī yadṛcchā-jāti-guṇa-kriyā-dravyaśabdasaṃjñī, dharmaśabdasya śabdaśabdārthaparyāyatvāt dharmasaṃjñī na bhavati śabdasaṃjñī na bhavatītyarthaḥ . naiṣā svamanīṣikocyate, kiṃ tarhi ? evamabhidharma uktam abhidharmapiṭake'bhihitam . kimuktam ? dharmo nāma ucyate nāmakāya ityādi . nāmaiva nāmakāyaḥ, kāyavat pratikṣaṇaṃ śarārutvāccaturbhūtasaṅghātatvācca nāmnāṃ vā vijñānādīnāṃ saṅghātatvāt, saṃjñāśabdānāṃ kṣaṇikānāmapi saṃhatānāmeva utpattivināśābhyupagamāt . yathoktam— varṇo gandho rasaḥ sparśaścatvāro'pi ca dhātavaḥ . aṣṭāvete'vinirbhāgāḥ sahotpādāḥ sahakṣayāḥ .. iti siddhāntāt . padāni nāmākhyātopasarganipātāḥ, tatkāyaḥ padakāyaḥ . vyañjanāni akṣarāṇi, arthasya vyañjakatvāt . tatkāyo vyañjanakāya iti . - [Previous: 1.135](https://indike.org/pramana/in.jaina.post.dvadasaranayacakra!simhasuri.1.135) - [Next: 1.137](https://indike.org/pramana/in.jaina.post.dvadasaranayacakra!simhasuri.1.137) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.70) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.136](https://indike.org/pramana/in.jaina.post.dvadasaranayacakra!simhasuri.1.136) · Pramāṇa