[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.142 # Dvadasharanayacakra 1.142 Nyāyāgamānusāriṇī 1.142 - **Language:** Sanskrit ### [1.142](https://indike.org/pramana/in.jaina.post.dvadasaranayacakra!simhasuri.1.142) idānīṃ kārakatāmapi dūṣayitukāma āha --kārakatāpi ca sañcayasya naivāstiṃ tasyeti pratijñā, paramārthato'sattvāditi hetuḥ . alātacakravaditi dṛṣṭāntaḥ . paramārthato'sattvaṃ saṃvṛtisatvādsaṃvṛtisattvād bhavanmatena ghaṭavat . yathoktam— yasmin bhinne na tadbuddhiranyāpohe dhiyā ca tat . ghaṭāmbuvat saṃvṛtisat paramārthasadanyathā .. abhi॰ ko॰ 6 . 4 iti . yathā ulmukaṃ bhramad bhrāntadṛṣṭeścakravadābhāti, na taccakramasti, agnikaṇānāṃ nairantaryābhāvāt, cakrasya para- mārthato'sattvācca cakravijñānasya akārakatā evaṃ sañcayasya saṃvṛtisattvānnīlavijñānasya akārakatā . tathā atīndriyatvādaṇunīlānām . itaśca sañcayasya akārakatā, pratyavayavavyavasthānamātratvāt, avayavamavayavaṃ prati pratyavayavam, avayavā nīlādiparamāṇavaḥ, teṣāmeva saṃhatyaikatra parasparāsattyā vyavasthānamātraṃ sañcayo na tebhyo'rthāntaramiṣṭaṃ bhavatām . ataḥ paramārthato nāstyevāsau sañcayo nāma kaścit . tasya asataḥ kharaviṣāṇasyeva kā kārakatā ? - [Previous: 1.141](https://indike.org/pramana/in.jaina.post.dvadasaranayacakra!simhasuri.1.141) - [Next: 1.143](https://indike.org/pramana/in.jaina.post.dvadasaranayacakra!simhasuri.1.143) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.1.33) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.142](https://indike.org/pramana/in.jaina.post.dvadasaranayacakra!simhasuri.1.142) · Pramāṇa