[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.144 # Dvadasharanayacakra 1.144 Nyāyāgamānusāriṇī 1.144 - **Language:** Sanskrit ### [1.144](https://indike.org/pramana/in.jaina.post.dvadasaranayacakra!simhasuri.1.144) kiñcānyat--sarvathā tad nīlādijñānaṃ tena sañcayena vyapadeśyaṃ tadavinābhāvāt tasya, kārakatāyāmakārakatāyāṃ vā na kaścid viśeṣo vyapadeśyatvasiddhau vastunaḥ . kutaḥ ? arthāntaranimittādeva, pitṛdhūmādivat, yathā pitā putrasya janakaḥ, tena vyapadiśyate kārakeṇa putraḥ dhūmena jñāpakena agniḥ, aviśiṣṭatvādvastunaḥ . tatastulye vyapadeśyatvahetau apratyakṣatvānumānatvasādhanasamarthe satyavyapadeśyanirodhako'yamanarthako vicāraḥ kārako jñāpaka iti kārakatvamabhyupetyāpyeṣa doṣo'bhihitaḥ . evaṃ tāvadarthakṛto'sya nīlasya vyapadeśaḥ siddho yatsiddherapratyakṣānumeyatve siddhe . tatsiddheśca tajjñānasya anumānatvaṃ sidhyet avyapadeśyatvādilakṣaṇavirodhaśca . evaṃ tāvadarthato vyapadeśyameva . - [Previous: 1.143](https://indike.org/pramana/in.jaina.post.dvadasaranayacakra!simhasuri.1.143) - [Next: 1.145](https://indike.org/pramana/in.jaina.post.dvadasaranayacakra!simhasuri.1.145) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.76) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.144](https://indike.org/pramana/in.jaina.post.dvadasaranayacakra!simhasuri.1.144) · Pramāṇa