[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.149 # Dvadasharanayacakra 1.149 Nyāyāgamānusāriṇī 1.149 - **Language:** Sanskrit ### [1.149](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.149) athavā tiṣṭhatu tāvadityādi yāvat pratyakṣaviṣayatvābhyupagamavirodha iti . sthitaṃ tāvadastu vidūrasthena āgamenābhyupagatena pratyakṣaviṣayatvasya virodha ityetat . idamevāsmin prakaraṇe yadudāhṛtaṃ pūrvaṃ cakṣurvijñānasamaṅgī ityādi tadeva na ghaṭata iti vākyārthaḥ . pratyakṣasya vidhiḥ pratyakṣasya janma, tasya vidhānaṃ vyākhyānam --sañcitālambanāḥ pañca vijñānakāyāḥ abhi॰ pi॰ iti, sa eva abhyupagamaḥ pratyakṣavidhividhānābhyupagamaḥ . svalakṣaṇamātraviṣayapratyakṣatvameva, svalakṣaṇamātraṃ viṣayo yasya tat svalakṣaṇamātraviṣayam, kiṃ tat ? pratyakṣam, tasya bhāvaḥ svalakṣaṇamātraviṣayapratyakṣatvam, tasya pratyakṣavidhi- virodhaḥ pratyakṣaviṣayatvābhyupagamavirodhaḥ . cakṣurvijñānasamaṅginīlavijñānam ityetadeva tu na ghaṭate pratyakṣalakṣaṇodāharaṇam . evaṃ te sañcayasya rūpamātratvāt tadgrahaṇe tatpratyakṣatvāt sañcitālambanakalpanāvaiyarthyādatanmātratve saṃvṛtisattvādarūpatvācca cakṣurnaiva cakṣuḥ syāt, ubhayathāpi rūpāgrāhitvāt, ghaṭādivat . vidhānābhyupagamena virodhaḥ samanantaragranthopapādito'sau sthita eva . cakṣurvijñānasamaṅginīlavijñānamityetadeva tu na ghaṭate . tuśabdo viśeṣaṇe, kiṃ viśinaṣṭi ? pūrvasmāllakṣaṇavākyādāgamasyāsyāśuddhataratāṃ viśinaṣṭi . cakṣuṣaḥ cakṣuṣi cakṣuṣā vā viśiṣṭaṃ jñānaṃ vijñānamasādhāraṇaviṣayam, tat samaṅgati samanvetīti cakṣurvijñānasamaṅgī, kaḥ ? santānaḥ, vijñānasya tadarthaikagamanāt taddvāreṇa tatsantāno'pi samaṅgatītyucyate . tatsamaṅgino nīlavijñānam . tadeva pratyakṣaṃ kalpanāpoḍhamanirdeśyaṃ svalakṣaṇaviṣayam ityādi vacanaṃ tena lakṣitasya udāharaṇam idaṃ tat iti pratyakṣīkaraṇaṃ pradarśanam, yathā vṛddhirādaic pā॰ 1 . 1 . 1 ityupalakṣitasya āśvalāyanaḥ ityudāharaṇam . - [Previous: 1.148](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.148) - [Next: 1.150](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.150) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.79) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.149](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.149) · Pramāṇa