[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.157 # Dvadasharanayacakra 1.157 Nyāyāgamānusāriṇī 1.157 - **Language:** Sanskrit ### [1.157](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.157) etattu tasminnabhidharme pratyakṣalakṣaṇodāharaṇavākye saṃvadatyarthataḥ . kenārthena katamat ? yattūktaṃ no nīlamiti vijānāti iti vartate . a-mā-no-nāḥ pratiṣedhe, nīlaṃ na vijānāti iti etadevaikaṃ saṃvadati nānyat kiñcit . kiṃ kāraṇam ? kadācidapi nīlaparamāṇvākāraniyatajñānotpattihetvabhāvāt . ye tāvat paramāṇavo nīlā ucyante teṣāṃ kadācidapi nīlākāre niyatasya jñānasyotpattau hetutvaṃ na bhūtaṃ na bhavati na bhaviṣyati cātīndriyatvāt, ato'sau tvadabhimatacakṣurvijñānasamaṅgī na kadācinnīlaṃ vijānātīti suniścitopapattikaṃ vacaḥ . syānmatam--sañcayasyendriyaviṣayatvānnīlātmakatvācca tasya nīlaṃ vijānātīti, etaccāyuktam, samudāyasyānīlatvāt . yadi samudāye saṃvṛtisati nīlatvaṃ syāt syādetadevam, na punarabhāvasya nīlatāstīti na vijānāti nīlam ityetadevātra subhāṣitamiti . - [Previous: 1.156](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.156) - [Next: 1.158](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.158) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.84) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.157](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.157) · Pramāṇa