[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.159 # Dvadasharanayacakra 1.159 Nyāyāgamānusāriṇī 1.159 - **Language:** Sanskrit ### [1.159](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.159) ata evetyādi . ata ityanantaranirdiṣṭanīlārthacakṣurvijñānasamaṅganābhāvāt, evetyavadhāraṇe, vakṣyamāṇavākyārthāpattiḥ, pratyakṣavidheḥ pratyakṣajanmano vidhāyakasya vākyasyaiṣo'rtha āpadyate, no tu nīlamiti ityatra itiśabdasya prakārārthavācitvādevaṃprakāro vākyārtha āpadyata iti . katamasya vākyasyeti sphuṭīkaraṇārthaṃ prastutameva pratyakṣalakṣaṇodāharaṇavākyaṃ pratyuccārya pradarśayati --cakṣurvijñāna ityādi tadeva . cakṣurvijñānasamaṅgī sañcitālambanaḥ pūrvoktaḥ santānaḥ cakṣurvijñānasamaṅgī sañcitamālambanamasyeti sañcitālambanaḥ sañcayaṃ saṃvṛtisantaṃ nīlaṃ rūpaṃ vijānātyasadavastu nīlābhimataṃ jānāti, na sat kiñcidityayamartho jāyate . kiṃ kāraṇam ? tasya nīlasya sañcayasya asataḥ cakṣuṣā cakṣurindriyeṇa grahaṇāt . no tu nīlamevaṃ bhavati, paramārthasatparamāṇunīlatvāt . bhāvanā tvasya--anarthe'rthasaṃjñī, na ca kadācit kaścidapyarthe dharmasaṃjñī . anarthe saṃvṛtisati samudāye dravyasannīlasaṃjñī, na tvarthe'rthasaṃjñī, na tvarthe eva dravyasati arthasaṃjñī tasyātīndriyatvāt . na ca kadācit kaścidapyarthe dharmasaṃjñī, atīndriyatvādatyantaṃ sarvakālamagrāhyatvāt . anarthe eva dharmasaṃjñī, anarthe evāsati nāmādidharmasaṃjñyapi, sañcayasya nāmādīnāṃ ca kalpanātmakatvāt kalpanāpohāsambhavāt . grahaṇāt . no tu nīlamevaṃ bhavati, evamprakāramasadrūpaṃ nīlaṃ na bhavati, sadeva hi tannīlaṃ na jānāti paramārthasat . kiṃ kāraṇaṃ tannīlaṃ na bhavatīti cet, paramārthasatparamāṇunīlatvāt, paramārthasanto hi paramāṇava eva nīlā na sañcayaḥ . tasmānna nīlaṃ vijānāti cakṣurvijñānasamaṅgīti . - [Previous: 1.158](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.158) - [Next: 1.160](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.160) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.86) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.159](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.159) · Pramāṇa