[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.167 # Dvadasharanayacakra 1.167 Nyāyāgamānusāriṇī 1.167 - **Language:** Sanskrit ### [1.167](https://indike.org/pramana/in.jaina.post.dvadasaranayacakra!simhasuri.1.167) abhyupetyāpi narasiṃhaprakāragatimeva ca asañcaye tu taddravyeṣvaṇuṣvityādi . sañcitālambanāḥ pañca vijñānakāyā iti yaduktaṃ tvayā tadvismṛtyedamuktam --yadetadanekaprakārabhinnaṃ rūpāyatanaṃ tatra kadācidekena dravyeṇa jñānamutpādyata iti . cakṣurvijñānasamaṅgī nīlaṃ vijānāti no tu nīlamiti etadapi vismṛtyedamuktam --kadācidanekena yadā tadvyavacchedo na bhavati, tadyathā--maṇisamūhamanekavarṇasaṃsthānaṃ paśyata iti, nīlapītādyanekarūpasya yugapadgrahaṇābhyupagame nīlaikarūpavijñānavirodhādityalaṃ prasaṅgena . prakṛta- mucyate--dravyasatsu aṇuṣu nīlapītādiprakāragrahaṇameva nāsti tadasañcaye . kiṃ kāraṇam ? asañcitasyādarśanāt . asañcitānāmadarśanamatīndriyatvādityuktam . kuta eva tadvyavacchedādi ? sati hi darśane tadvyavacchedānavacchedaprakārabhinnatvajñānāni sambhāvyeran, asati darśane dūrādeva tāni na syuḥ . evaṃ tāvat ekena dravyeṇa ityayuktam . - [Previous: 1.166](https://indike.org/pramana/in.jaina.post.dvadasaranayacakra!simhasuri.1.166) - [Next: 1.168](https://indike.org/pramana/in.jaina.post.dvadasaranayacakra!simhasuri.1.168) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.1.38) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.167](https://indike.org/pramana/in.jaina.post.dvadasaranayacakra!simhasuri.1.167) · Pramāṇa