[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.172 # Dvadasharanayacakra 1.172 Nyāyāgamānusāriṇī 1.172 - **Language:** Sanskrit ### [1.172](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.172) vādaparameśvarasaṃśrayaścaivam . evaṃ ca bhavata ekāntavādinastattyāgenānekāntavādāśrayaḥ . vādāḥ sarva eva lokaṃ svasātkartuṃ samarthatvāllokasya īśate ekāntā api . teṣāṃ tu sarveṣāmanekāntavādaḥ parameśvarastadvaśavartināmīṣṭe . teṣāṃ svārthonnayanasamarthānāmapi parasparavirodhadoṣavatāmudāsīnamadhyamanṛpativat sandhyādiṣāṅguṇyānyatamaguṇāśrayiṇāṃ vijigīṣūṇāṃ parārpaṇalakṣaṇasaṃśrayaguṇādhāraḥ parameśvaraḥ syādvādaḥ, tatsaṃśrayeṇaiva svavṛttilābhāt tadasaṃśraye parasparakāryavilopāt svayaṃ vināśācca teṣām . laukiko vyavahāranaya āha --na ca nastena saha virodhaḥ . kasmāt ? tasya lokanāthatvāt . loko hi vyavahāranayastadvaśavartitvena tanmatavilokanāt, tasya lokasya nāthata iti lokanāthaḥ syādvādaḥ . kasmāt ? sa hi ito'muto vilupyamānasyaikāntavādibhirlokatattvasya lokasārasya samyagdarśanaratnasya trātā trāṇaśīlastrāṇadharmā sādhu trāṇakārī veti . kathaṃ trāteti cet, sarvavādabhedetyādi, lokabhūtānāṃ sarvavādānāṃ bhedāḥ sarvavādabhedā nityānityādyekāntāḥ, teṣāṃ yāthārthyāni yathārthabhāvāḥ svaviṣayasamarthanāni, teṣāṃ lokasaṃvādenopagrāhayitṛ- tvāt parasparasāmyāvasthāpanena paripālanāt trātetyucyate . - [Previous: 1.171](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.171) - [Next: 1.173](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.173) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.94) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.172](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.172) · Pramāṇa