[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.173 # Dvadasharanayacakra 1.173 Nyāyāgamānusāriṇī 1.173 - **Language:** Sanskrit ### [1.173](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.173) itara āha --kathaṃ saṃśraya iti cet . astu tāvadvādaparameśvaratvaṃ lokatrāṇāt syādvādasya lokatrāṇaṃ ca parasparāvirodhopapādanenaikīkaraṇācca teṣām, vādaparameśvarasamāśrayaḥ kathamekāntavādānām ? ityatrocyate— anekātmakarūpāyatanābhyupagamāt . aneka ātmā yasya tadidamanekātmakaṃ rūpāyatanaṃ yat tadekena atra caikarūpāyatanādhāratayā tatraśabdena anantaranidiṣṭameva rūpāyatanamuktaṃ tasyaivobhayarūpatā punardarśitā . evaṃ ca tasyaivaikānekatā, tathā'vibhaktatattvena jñānotpatteḥ . tataśca syādekaṃ rūpāyatanaṃ syādanekaṃ rūpāyatanam, uktahetuvat . dravyeṇa kadācijjñānamutpādayati kadācidanekeneti tadvyavacchedāvyavacchedābhyāmiti, tadabhyupagamāt syādvādasamāśrayaḥ . syādvādaikadeśāśca nayā ekāntavādāḥ, yathoktam --bhaddaṃ micchaddaṃsaṇa sanmati॰ 3 . 59 gāhā . naitāḥ svamanīṣikāḥ, lakṣaṇamapi tathaiva nayānām, uktaṃ hi --dravyasyānekātmakatve'nyatamātmakaikāntaparigraho nayaḥ svaprādhānyenārthanayanānnayaḥ , sa ca mithyādṛṣṭiranekākārārthasya viparītapratipattitvāt, anekātmakavastupratipattitvāt syādvādasya yāthārthyam . kathaṃ punarlokabhūtena vyavahāranayenaikāntavādino nigṛhyanta iti cet, lokanāthasamāśritatvāt teṣāṃ lokanāthapakṣasamāśraya eva prativādipakṣābhyupagamaḥ, sa nigrahasthānamekāntavādināmabhyupagamasamakālamevāvasito vāda iti . - [Previous: 1.172](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.172) - [Next: 1.174](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.174) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.95) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.173](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.173) · Pramāṇa