[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.176 # Dvadasharanayacakra 1.176 Nyāyāgamānusāriṇī 1.176 - **Language:** Sanskrit ### [1.176](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.176) itara āha --nanu kadācicchabdaḥ kālāntaravacanaḥ . tasminneva hi vastuni kadācit kālāntare jñānamekākāramutpadyate kadācidanekākāram, jñānasyaivākāravattvānnirākārabāhyavastupakṣe iti . atrocyate— tanna, ekakāla evobhayarūpatvāt . ekasminneva hi kāle nīlaparamāṇusamūhākārajñānasya bhedābhedātmakatvaṃ dṛṣṭam, ato na samyaguktam--kadācicchabdaḥ kālāntaravacanaḥ, tasmādekākāraṃ kadācit kadācidanekākāraṃ jñānamutpadyate tasminneva vastuni iti . tasmāccaikakāla evobhayarūpatvāt syāt tat tat, tadeva tadvastu paramāṇudravyasamūhābhedāt . syānna tat tat, rūpādipariṇāmabhedāt . hetvantaramapyatrocyate --grahaṇāpadeśaviśiṣṭārthatvāt, grahaṇaṃ jñānam, jñānamevāpadeśo hetuḥ, tena hetunā viśiṣṭo grahaṇāpadeśaviśiṣṭaścāsāvarthaśca, tadbhāvo grahaṇāpadeśaviśiṣṭārthatvam . yasmāccakṣurvijñānāddhetorviśiṣṭo'rtho rūpaṃ samudāyasamudāyyātmakaṃ gṛhyate tasmādanekātmakaṃ tadvastu . ko dṛṣṭāntaḥ ? anekavarṇamaṇirūpavat, eka eva vā maṇirmecakasphaṭikādyanyatamastadrūpavat, nānāvarṇānāṃ vā maṇīnāṃ samūhasya rūpavat . yathā tad grahaṇāpadeśaviśiṣṭaṃ jñānapari- cchinnaṃ vibhinnarūpaṃ tathā cakṣurviṣayābhimataṃ vastu . ekapuruṣapitṛputrādivadveti grahaṇāpadeśaviśiṣṭatvasādharmyadṛṣṭāntāntaram . yathaikaḥ puruṣo'nekasambandhijanāpekṣayā pitā putro bhāgineyo mātulaḥ ityevamādivyapadeśyatvaṃ bhajate na cāsya virodha-saṅkarā-'navasthāprasaṅgadoṣā grahaṇāpadeśaviśiṣṭārthatvādevaṃ cakṣurvijñānavijñeyaṃ vastu pratipattavyam . - [Previous: 1.175](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.175) - [Next: 1.177](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.177) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.96) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.176](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.176) · Pramāṇa