[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.185 # Dvadasharanayacakra 1.185 Nyāyāgamānusāriṇī 1.185 - **Language:** Sanskrit ### [1.185](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.185) anekaikatvāpattisāmānyagocarasvalakṣaṇa evāsāvartha iti cet . syānmatam--anekasyaikatvāpattiḥ sāmānyam, sa eva gocaro'syeti anekaikatvāpattisāmānyagocaraḥ, sa eva svalakṣaṇaḥ sāmānyagocara eva svalakṣaṇaḥ, asāvevārthaḥ pratyakṣasyetyeṣā bhavata āśaṃsā cet, na, ārātparāntamadhyetyādi yāvat svalakṣaṇaviṣayasāmānyātmakatvāt . naitadupapadyate, pūrvaparādiparasparaviviktāvasthapatraviṣayasāmānyātmakatvāt . ārādantaḥ, parāntaḥ, madhyaḥ, nīlaprakarṣādirvarṇaḥ, hrasvadīrghālpamahattvādi pramāṇam, vṛttādi saṃsthānaṃ ca, tairviviktā vṛttayo'vasthāśca yeṣāṃ patraviśeṣāṇāṃ te tairviviktavṛttyavasthapatraviśeṣāḥ, ta eva svalakṣaṇāḥ, te viṣayo'sya sāmānyasya tat svalakṣaṇaviṣayaṃ sāmānyamātmā svarūpamasya, tadbhāvaḥ sāmānyātmakatvam, tasmāt sāmānyātmakatvāt . etaduktaṃ bhavati--deśākṛtivarṇapramāṇasaṃsthānādibhiratyantaviśiṣṭānāṃ svalakṣaṇānāmeva sāmānyātmakatvam, nānyat sāmānyamasti, ato'nupapannam--anekaikāpattisāmānyagocarasvalakṣaṇa evārtha iti . nanūktamanekaikāpattisāmānyagocaramiti, tanna, yasmād na ca saṅghātaḥ kaścidasti . caśabdānnāvayavī, na ca pariṇāmāntaraṃ tadvyatiriktaṃ tvanmatena . kasmāddhetoḥ ? na hi tadanekadravyotpādyam . na ca sañcayaḥ kaścidasti, ata eva na pratyayasyālambanaṃ yujyate, anālambanatvāccābhāsārtho'pi na tatrāsti vandhyāputraputratvānābhāsanavat . svābhāsāṃ hi vijñaptiṃ janayadālambanaṃ yujyate . asvatvāttvasya adravyatvāt kuta ābhāsavijñāpanam ? sve tu paramāṇavo nābhāsamutpādayitumalam, atīndriyatvāt . iti pratyakṣajñānaṃ notpadyate, nirālambanatvāt, khapuṣpavat . teṣāṃ patrāṇāmanārabdhalakṣaṇakāryatvāt . na hi patraviśeṣairārabdhaṃ kiñcit kāryāntaramasti, ta eva hyanārabdhalakṣaṇāḥ patraviśeṣāḥ sañcitya kāryībhūtāḥ, tasmānna teṣvanyat sāmānyamasti . evamaṇuṣvapi, paramāṇuṣvapi tathā na kiñcit sāmānyamasti . tasmānna svārthe sāmānyagocaraṃ tajjñānamiti . - [Previous: 1.184](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.184) - [Next: 1.186](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.186) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.102) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.185](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.185) · Pramāṇa