[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.187 # Dvadasharanayacakra 1.187 Nyāyāgamānusāriṇī 1.187 - **Language:** Sanskrit ### [1.187](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.187) svābhāsāṃ hītyādi . viṣayo hi nāma yasya jñānena svabhāvo'vadhāryate ālambanaparīkṣāvṛ॰ 1 iti tvaduktopapattirevātra vyāpāryate . tat punaḥ kutaḥ ? asvatvādanātmakatvāt . yastvātmanā svabhāvenāsiddhaḥ sa viṣayaḥ syājjñānasyeti kā yuktiḥ ? asvatvāttvasyādravyatvāt paramārthasattvābhāvāt kuta ābhāsavijñāpanaṃ paravācoyuktyā, vijñāpanaṃ vijñaptirbuddhiriti paryāyāḥ, dūrata eva nāstītyarthaḥ . evaṃ tarhi sve tu paramāṇava ātmānaḥ te viṣayatāṃ yāntu, netyucyate, te nābhāsamutpādayitumalamatīndriyatvāt . atīndriyatvaṃ nirābhāsatvād viyadvaditi . itiśabda upasaṃhāre, itītthamanālambanatvaṃ sañcayasyāṇūnāṃ ca siddhaṃ pratyakṣajñānasya, tasmāt pratyakṣajñānaṃ notpadyate, nirālambanatvāt, svapuṣpavat . ataḥ pratyakṣasya nirālambanasya khapuṣpavadanutpatteruktopapattividhinā kalpanāpoḍhasya saviṣayasya pratyakṣasya jñānasya vā'bhāve pratipādite svavacanavyapekṣākṣepadustaravirodhaprastuteśca kalpanāpoḍhaṃ pratyakṣam ityetallakṣaṇamanarthakaṃ syāt, lakṣyasyābhāvāt, kharaviṣāṇakuṇṭhatīkṣṇādinirṇayavat . - [Previous: 1.186](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.186) - [Next: 1.188](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.188) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.102) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.187](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.187) · Pramāṇa