[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.188 # Dvadasharanayacakra 1.188 Nyāyāgamānusāriṇī 1.188 - **Language:** Sanskrit ### [1.188](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.188) abhyupete'pi tu viṣaye doṣaḥ . sa cābhyupagamyamāno'pi viṣayaḥ sañcaya eva sambhāvyeta, na paramāṇavo'tīndriyatvāt . sa cālambanapratyayo jñānasya sañcayaḥ, tasminnabhyupete'pi tu sañcitālambanapratyayatve naivāsya pratyakṣatā sidhyati tvanmatenaiva, tadābhāsatvāt . tadābhāsatvaṃ kalpanātmakatvāt, uktā ca kalpanātmakatā . tadubhayamapi bhrāntijñānātmakatvāt . bhrāntiḥ saṃjñāsaṃsthānasaṅkhyāvarṇānyathākalpanāt, saṃjñā ca saṃsthānaṃ ca saṅkhyā ca varṇaśca, teṣāṃ tairvānyathākalpanāt . anyathāpratipattirevātra kalpanābhimatā . saṃjñāsaṃsthānasaṅkhyāvarṇānāmanyathāpratipattermṛgatṛṣṇikāpratyayavadalātacakrapratyayavad dvicandrapratyayavat kāmalopahatacakṣuṣo nīlarūpapītapratyayavaditi yathāsaṅkhyaṃ dṛṣṭāntāḥ yathākramaṃ ca hetavo bhrāntijñānātmakatve sādhye tataśca pratyakṣatvābhāve sādhye . tatsamarthanārtha uttaro granthaḥ . tadarthamupasaṃhṛtyānte sādhanam --ata idaṃ naiva pratyakṣam, atathābhūtārthādhyāropātmakatvāt, bhrāntivat, nāvārūḍhasya tīravṛkṣadhāvanadarśanātmikāmekāṃ kriyābhrāntiṃ muktvā proktacaturvidhabhrāntivat . upanayastu vyavahāraprasiddhasya paramāṇunīlatvagrahaṇasya sarvatrātathābhūtārthapratipattisādharmyāt . athavā tata eva hetoḥ saṃvṛtisajjñānavadapratyakṣam . tadvyākhyā --yathā gopāletyādinā dṛṣṭāntaṃ samarthya tathā saṃvṛtisatītyādinā dārṣṭāntikasamarthanam . - [Previous: 1.187](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.187) - [Next: 1.189](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.189) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.1.41) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.188](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.188) · Pramāṇa