[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.192 # Dvadasharanayacakra 1.192 Nyāyāgamānusāriṇī 1.192 - **Language:** Sanskrit ### [1.192](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.192) kiñcānyat, bhavadabhimatapratyakṣasyāpratyakṣatvasādhane ca dve leśenonnīte tvayaiva, mā bhūt svābhyupagamadoṣavyaktiriti kuśalajanatarkagamye, na sphuṭe . katame dve ? anekārthajanyatvāt svārthe sāmānyagocaratvāditi caite dve . tatra tāvat prathamaṃ sādhanam --tvadabhimatapratyakṣamapratyakṣam, anekārthajanyatvāt, anumānavat . dṛṣṭānte'numāne'nekārthajanyatvamasiddhamiti mā maṃsthāḥ, yasmādanumānamapi pakṣadharmādyanekārthajanyam, pakṣadharmaḥ sapakṣānugamo vipakṣavyāvṛttirityanekārthena janyate'gnyanityādyanumānajñānaṃ tathedamapi pratyakṣamanekaparamāṇvarthajanyamiti . jñāpakaḥ sa heturiti cet . syānmatam--anumāne pakṣadharmādiraneko'pyartho dhūmakṛtakatvādiragnyanityādijñānasya na kārakaḥ, kiṃ tarhi ? pūrvaprasiddhamevāvinābhāvinaṃ sambandhaṃ smārayatīti jñāpakaḥ sa hetuḥ, itarastu pratyakṣajñānasya kārako'rthaḥ, tasmādvaidharmyādadṛṣṭānta iti . etaccāyuktam, atrāpi tulyatvāt, kārakādapītyādi, anumānamapi iti vartate, anumānamapi svārthaṃ kārakādanekasmādarthājjāyate . katamasmāt ? sādhyasādhanadharmānvayaikāntavataḥ pakṣadharmasapakṣānugamavipakṣavyāvṛttimata aikāntikāt, agnimān pradeśo dhūmavattvāccullīmūlavat, anityaḥ śabdaḥ kṛtakatvād ghaṭavat, na nadīvannākāśavat iti kārakahetutaivānumāne'pi tadarthasya . - [Previous: 1.191](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.191) - [Next: 1.193](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.193) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.106) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.192](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.192) · Pramāṇa