[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.198 # Dvadasharanayacakra 1.198 Nyāyāgamānusāriṇī 1.198 - **Language:** Sanskrit ### [1.198](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.198) idānīṃ vasubandhoḥ svaguroḥ tato'rthād vijñānaṃ pratyakṣam vādavi॰ iti bruvato yaduttaramabhihitaṃ paraguṇamatsarāviṣṭacetasā tattvaparīkṣāyāṃ paramodāsīnacetasā tu yena kenacidabhiprāyeṇa svamataṃ darśitameva dinnena vasubandhupratyakṣalakṣaṇaṃ dūṣayatā, tasya punarartho yo'stu so'stu kiṃ no'nena ? idameva tāvadastu --rūpādiṣvālambanārtho vaktavyaḥ pra॰ samu॰ vṛ॰ 1 . 15 iti vikalpya vikalpadvaye doṣajātaṃ tallakṣaṇe prakrāntaṃ tat tavāpi samānamiti pratipādayiṣyan nayacakrakāraḥ saviśeṣaṃ tanmatavirodhahetuṃ svavacanajanitamāha --anekārthajanyatvācca svārthasāmānyagocaratāyāmityādi, śiṣyācāryayostulyottaratvāt . svārtha iti nīlādiḥ, sa eva kila sāmānyamanekārthajanyatvāt, aneko'rthaḥ paramāṇavaḥ tajjanyaṃ nīlaviṣayaṃ pratyakṣamata indriyasya svārtha ityetasyāmanekārthajanyatvācca svārthasāmānyagocaratāyāṃ yadābhāsaṃ teṣu jñānamutpadyate tathā ta ālambanaṃ rūpādaya iti nīlapītāditvena yathaivābhāsante tathaivālambanamityetadiṣṭam . kiṃ kāraṇaṃ ta eva nīlādiparamāṇavo nālambanamiti cet, ucyate --pratyekaṃ paramāṇurūpasya buddhāvasanniveśāt, ekamekaṃ prati pratyekaṃ paramāṇūnāṃ yannīlādirūpaṃ tasyātīndriyatvādbuddhau na sanniveśaḥ, tasmāt kiṃ prāptam ? samudayakṛtatannirbhāsatayālambanamityetat prāptam, nīlādirūpasya tatsamudāyātmakatvāt . - [Previous: 1.197](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.197) - [Next: 1.199](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.199) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (2) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.1.43) — Mallavādin, Sanskrit - [Vādavidhi (fragments)](https://indike.org/pramana/in.bauddha.sanskrit.darsana.pramana.dignaga.vadavidhi*fragments.1) — Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.198](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.198) · Pramāṇa