[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.199 # Dvadasharanayacakra 1.199 Nyāyāgamānusāriṇī 1.199 - **Language:** Sanskrit ### [1.199](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.199) evaṃ ca sati paramāṇusañcayanīlādinirbhāsatayālambanatve sati pratyakṣārtha evaṃ jāyate, tadyathā — arthasannikarṣādakṣaṃ prati yadutpadyate tajjñānaṃ pratyakṣamiti jñānamarthena viśeṣyate, arthenendriyasya sanni pratyakṣam . na tadupapadyate, tasyārthasyābhāvāt . na ca sañcayo'rthaḥ, saṃvṛtisattvāt . ato nāsāvutpattipratyaya iṣyata iti viśeṣaṇaviśeṣyatvābhāvājjñānatvapratyakṣatvābhyupagamahāniḥ . cakṣurādijñāneṣvataḥ svanirbhāsavyatiriktaprameyābhāvādasatsatpratipatterapratyakṣatvena prasiddhena pratyakṣatvanirākaraṇādanumānavirodhaḥ . yathā cātra samānānekārthajanyendriyasvārthādyadutpadyate tadapi ca taimirakavada- karṣādutpadyamānaṃ jñānamakṣaṃ prati vṛtteḥ pratyakṣamiti jñāne'rthasya viśeṣaṇatā . sannikarṣādvā akṣaṃ prati yo vartate'rthaḥ sa pratyakṣaḥ, arthendriyasannikarṣādakṣaṃ prati vṛtteḥ pratyakṣamitatvādupacaritavṛttirartho'kṣeṇa viśeṣyate iti . atrottaramucyate --na tadupapadyate pratyakṣaṃ tasyārthasyābhāvāt . evaṃ ca sati ityuccārya sañcayaḥ prasakta ityabhyupagamyagamayya dūṣayati--yasmānna ca sañcayo'rthaḥ . kiṃ kāraṇaṃ nārthaḥ sañcaya iti cet, saṃvṛtisattvāt . saṃvṛtisattvamadravyatvād vāndhyeyavat . ata etasmāt kāraṇād nāsāvutpattipratyaya iṣyate, utpattau pratyaya ālambanapratyaya ityarthaḥ, so'sattvānneṣyate . itiśabdo hetvarthe, etasmāt kāraṇāt so'rtho na viśeṣaṇena viśeṣyastasmādviśeṣaṇaviśeṣyatvābhāvājjñānatvapratyakṣatvābhyupagamahāniḥ, jñānaṃ pratyakṣam ityetadabhyupagataṃ viśeṣaṇasya viśeṣyasya cārthasyābhāvāt kimviṣayaṃ jñānaṃ pratyakṣaṃ ca syāditi hīyate . - [Previous: 1.198](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.198) - [Next: 1.200](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.200) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.109) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.199](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.199) · Pramāṇa