[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.202 # Dvadasharanayacakra 1.202 Nyāyāgamānusāriṇī 1.202 - **Language:** Sanskrit ### [1.202](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.202) yathaiva hītyādi yāvat samuditāsta evābhāsanta iti buddhāvābhāsanasāmarthyāviśeṣācca janakahetvaviśeṣameva darśayati . atra ca yathā paramāṇvavayavasamudāye ta eva nīlapratyavabhāsatvājjñānasyākārasanniveśaviśiṣṭāḥ sāmānyata ābhāsante tathā ghaṭādijñāneṣvapi ākāraviśeṣeṇa samuditāsta evābhāsante, nānyo ghaṭo nāmāsti yastathābhāseta . tathāstheṣu tena prakāreṇa sthiteṣu rūpādiṣveva ghaṭa athocyeta--nīlādisamudāye dravyasadākāro vidyate, tadaṇvātmakatvāt tathāsattvāt tatpratyakṣatvaṃ nyāyyam . na tu ghaṭādyākāraḥ, atatparamāṇutvāt tathā'sattvāt . etacca tulyamubhayatrāviśeṣāt . yathaiva tasmin ghaṭādyanākāratā tadanaṇutvāt tathā'sattvāt evaṃ rūpādyākārasyānākāratā sañcitasyaindriyakatvādālambanatvāt tadanaṇutvāt tathā'sattvādanyathā'viṣayatvādanālambanatvādapratyakṣatvāt . pakṣāntarāpattiścaivaṃ yathā te vidyante tathā ta ālambanamiti . yathā coktaṃ pratyekaṃ iti buddhiḥ pravartate prajñaptiśca evaṃ tathāstheṣveva paramāṇuṣu nīlādirūpabuddhiḥ pravartate prajñaptiśceti sarvamubhayatra tulyam . - [Previous: 1.201](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.201) - [Next: 1.203](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.203) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.111) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.202](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.202) · Pramāṇa