[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.205 # Dvadasharanayacakra 1.205 Nyāyāgamānusāriṇī 1.205 - **Language:** Sanskrit ### [1.205](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.205) kiñcānyat --pakṣāntarāpattiścaivam . yadābhāsaṃ teṣu jñānamutpadyate tathā ta ālambanam pra॰ samu॰ vṛ॰ 1 . 15 ityevaṃ pakṣaṃ parityajya yathā te vidyante tathā ta ālambanamityayaṃ pakṣa āśrito bhavati, pakṣāntaragamanaṃ ca vādāvasānāyeti . kiñcānyat, asminnapi ca pakṣe tvayaiva vasubandhuṃ pratyuktā ye doṣāste tavāpi syuḥ . yasmāt tvayāpi cāyaṃ pakṣo'ṅgīkṛta eva . kathamiti cet, taddarśayati --yathā ca pratyakṣotpattibījasañjananārthamuktam--pratyekaṃ ca te samuditāḥ kāraṇamiti . tatrānekārthajanyatvāt svārthe sāmānyagocaram pra॰ samu॰ 1 . 4 ityasya vyākhyāyāṃ punarvasubandhuṃ dūṣayitukāmena vikalpitaḥ sa evārthaḥ--kiṃ yathā vidyamānā anyābhāsasyāpi vijñānasya kāraṇaṃ bhavanti tathā pratyakṣasyālambanaṃ rūpādayaḥ iti pūrvapakṣatvena . etayośca vacanayorekākārārthatvādasāvapi pakṣo'bhyupagatastvayā . tataḥ ko ca te samuditāḥ kāraṇam pra॰ samu॰ vṛ॰ 1 . 15 . evamapi na ta ālambanamatīndriyatvāt . evamvievaṃvidhālambanatāyāṃ ca dhūmo'gnipratyakṣajñānālambanaṃ syāt, tathā vidyamānatve'nyathābhāsasyāpi jñānasya kāraṇībhavanāt, tvaduktapratyakṣālambanavat . cakṣurādyapi vālambanaṃ syāt . na ca grāhyasya nīlāderviṣayasya cakṣurādivijñānasya nīlādiparamāṇava āla- doṣa iti cet, evamapi na ta ālambanamatīndriyatvādindriyagocarātītatvād gaganavadindriyajñānālambanaṃ na bhavanti paramāṇavaḥ . - [Previous: 1.204](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.204) - [Next: 1.206](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.206) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.112) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.205](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.205) · Pramāṇa