[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.209 # Dvadasharanayacakra 1.209 Nyāyāgamānusāriṇī 1.209 - **Language:** Sanskrit ### [1.209](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.209) itara āha --nanu ca pratyekameva te samuditāḥ kāraṇamityādi yāvadandhapaṅktivat pratyekādarśanavailakṣaṇyeneti . nanu mayā viśeṣyoktam--pratyekameva te samuditāḥ kāraṇamiti . kimuktaṃ bhavati ? tathāsanta eva paramāṇutvena paramārthasanta eva samuditāḥ paramāṇavaścakṣurādijñānotpattihetutvādālambanam . kiṃ kāraṇam ? tadavasthānāṃ jñānotpādanaśaktyabhivyakteḥ, samudāya avasthā yeṣāṃ te tadavasthāḥ, tadavasthā eva hi jñānamutpādayituṃ śaktāḥ, sā hi jñānotpādanaśaktiḥ pratyekaṃ vidyamānāpi nābhivyajyate, samudāye'bhivyajyate . ko dṛṣṭāntaḥ ? cakṣurādiparamāṇūnāmiva pratyekaṃ rūpadarśanaśaktānāmapi na sā śaktirabhivyajyate samudāye tvabhivyajyate, tadvadālambanaparamāṇūnāmapi . viṣaya-viṣayiparamāṇūnāṃ pratyekaṃ tacchaktīnāmapyasamuditānāṃ śaktyabhāvaṃ tulyaṃ darśayati --na hyeka indriyaparamāṇurviṣayaparamāṇurvā vijñānamutpādayitumalamiti . na tatsamudāyaḥ prajñaptisattvāt, nāpi teṣāmindriyaviṣayaparamāṇūnāṃ samudāyo vijñānamutpādayitumalaṃ prajñaptisattvāt paramārthato'sattvādityarthaḥ . tasmādekamekaṃ prati kāraṇabhāvaḥ pratyekakāraṇatā, tasyāṃ satyāmeva pratyekakāraṇatāyāmaṇūnāṃ samudāye darśanaśaktivyaktiḥ . kimiva ? śibikāvāhakasamudāyavahanaśaktivat, yathā śibikāvāhakānāṃ pratyekaṃ vidyamānaiva sā vahanaśaktiḥ samudāye'bhivyajyate tathendriyaviṣayaparamāṇūnāṃ darśanadṛśyaśaktiḥ . vaidharmyeṇa andhapaṅktiḥ pratyekādarśanavailakṣaṇyena, yathāndhānāṃ pratyekamasatī darśanaśaktivyaktistatpaṅktāvapi na bhaviṣyati tathehendriyaviṣayadraṣṭṛdṛśyaśaktayo nābhaviṣyan, bhavanti tu . tasmāt pratyekaṃ vidyamānaśaktaya evendriyaviṣayaparamāṇavaḥ samudāye'- bhivyaktaśaktayo bhavantīti . - [Previous: 1.208](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.208) - [Next: 1.210](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.210) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.113) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.209](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.209) · Pramāṇa