[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.210 # Dvadasharanayacakra 1.210 Nyāyāgamānusāriṇī 1.210 - **Language:** Sanskrit ### [1.210](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.210) atrocyate --nanvevamabhyupagatanirākaraṇaphalaiveyaṃ pratyakṣavyavasthā . abhyupagataṃ sañcitālambanāḥ pañca vijñānakāyāḥ abhi॰ pi॰ iti, tasyābhyupagatasya nirākaraṇaṃ phalamasyāḥ pratyakṣavyavasthāyāḥ . kutaḥ ? asañcitaparamāṇvālambanaśrayaṇāt, pratyekaṃ darśanaśaktimatāmindriyaviṣayaparamāṇūnāṃ darśanaśaktivyaktirityasyāṃ kalpanāyāṃ nanvasañcitāḥ paramāṇavaścakṣurvijñānotpādanaśaktā ityetadāśritaṃ bhavati pañcānāṃ vijñānakāyānāmasañcitālambanatvam . taccābhyupagataṃ niruṇaddhi sañcitālambanatvamidaṃ kalpanāntarāśrayaṇam . kiṃ kāraṇam ? pratyekadarśanaśaktikhyāpanāt, śibikāvāhakasādharmyāt ta eva hi darśanaśaktiyuktāḥ pratyekamiti bhavati . syānmatam--nanu pratyekaśaktānāmeva sañcaye tacchaktyabhivyaktirityuktam . ācārya āha--satyam, uktametat, ayuktam, kiṃ kāraṇam ? janakānanyathātvāt, na hi jñānasya janakebhyaḥ paramāṇubhyo'nyaḥ sañcayo'stīti prāgetad vistareṇa pratipāditam, tasmājjanakānanyathātvāt sañcayābhāvāt pratyekaṃ darśanaśaktyabhivyaktipratyakṣavyavasthā abhyupagatanirākaraṇaphalaiveyam . athavā janakānāmanyaḥ prakāro'nyathā, tadbhāvo'nyathātvam, tatpratiṣedho janakānanyathātvam, tasmājjanakānāṃ paramāṇūnāmatīndriyāṇāmananyathātvādaindriyakatvavyavasthānābhāvāt sañcayasyārthāntarabhūtasyābhāvādasañcitaparamāṇvālambanaśrayaṇaṃ tadavastham . - [Previous: 1.209](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.209) - [Next: 1.211](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.211) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.1.44) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.210](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.210) · Pramāṇa