[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.215 # Dvadasharanayacakra 1.215 Nyāyāgamānusāriṇī 1.215 - **Language:** Sanskrit ### [1.215](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.215) athocyeta--bāhyavastusvatattvetyādi yāvat tato bhinnamastīti . athetyadhikārāntare, atha sañcitālambanaviṣayajñānapakṣe kalpitāḥ kalpitā upapattayo viphalā bhavanti sadoṣāśceti taṃ parityajyedamucyeta --sarva evaiṣa virodhasaṃkleśo bāhyavastutattvapratipattijanitaḥ, vijñānād bāhyaṃ vastutattvamasti iti pratipattau satyāṃ jāyate'yaṃ saṃkleśaḥ . yadi paramāṇava ālambanaṃ tato'tīndriyatvasañcitālambanatvādyabhyupagamavirodhaḥ; atha samudāyaḥ, asattvāt khapuṣpavadanālambanameva; pratyekaṃ te samuditāḥ, svavacanavirodhādidoṣaḥ proktanyāyenetyevamādivirodhodbhāvanajanitena cittasaṃkleśena kimarthaṃ bādhyāmahe ? evaṃ tu sarvadoṣavinirmuktamidaṃ kalpanāntaramāśrayāmahe --vijñānamātrakamidaṃ tribhuvanam . yaduktam— dyaiḥ kṣamā vāyurākāśaṃ sāgarāḥ sarito diśaḥ . antaḥkaraṇatattvasya bhāgā bahiriva sthitāḥ .. vākyapa॰ 3 . 7 . 41 iti . na dravyasaṃvṛtyādi, na punaretasyāṃ kalpanāyāmevamvidhaḥmevaṃvidhaḥ saṃkleśo'sti yat idaṃ saṃvṛtisadidaṃ paramārthasadidamaindriyakamatīndriyamityādi vikalpyamānaṃ vijñānādvyatiriktamarthajātamicchatāṃ syāt, na tu tat tato bhinnamasti . tasmādanarthako vicāra iti . - [Previous: 1.214](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.214) - [Next: 1.216](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.216) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.118) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.215](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.215) · Pramāṇa