[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.220 # Dvadasharanayacakra 1.220 Nyāyāgamānusāriṇī 1.220 - **Language:** Sanskrit ### [1.220](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.220) punaruttaro'pi grantho yojyaḥ . tadyathā --sarvasarvātmakaikarūpāntarāviviktasvatattve rūpādisattvādisaṅghāta indriyasannikṛṣṭa ālambanaviparītaikarūpeyaṃ pratipattiḥ vyapadeśyānekātmakanīlarūpaviṣayā, na ca hetvapadeśāvyapadeśyaiṣā, yataḥ sarvātmakagrahaṇāpadeśena dhūmenevāgnisāmānyavad gṛhyate nānirdeśyarūpam . nānātvaikāntavāde'pi ātmendriyamano'rthasannikarṣādyanniṣpadyate tadanyat vai॰ sū॰ 3 . 1 . 18 dravyādinirmūlatvāt kimātmādi ? iti na pratyakṣam, dravyarūpādibhavanaviśeṣakāraṇa- kiṃ kāraṇam ? tato'nyat kalpitamekaṃ rūpam . nanu sarvasya kārakahetutvenāpadeśaḥ pratyakṣapratipatteḥ, na dhūmavajjñāpakahetvapadeśatayāgnerivā'rthāntarasyānekarūpatvasya . nanvidamasyaivārthasya pradarśanārthaṃ prastutamasmābhiḥ, yadīdaṃ pratyakṣaṃ syāt kārakādeva svārthādālambanāddhetorjāyeta dāhānubhavavat pratyakṣatvādavyavahitapratipattyātmakatvāt pratyakṣasya svalakṣaṇaviṣayatvādanadhyāropātmakatvāditi yāvat . api ca kārakatāpi sarvasya naiva tatra, dvitīyacandravat paramārthato'sattvādanupāttavyāvṛttivyavasthānamātratvāt . lokavattu sarvasattve viśiṣṭo'padeśo vyapadeśo grāhyādanyaḥ, tena vyapadeśena prameyaṃ vyapadeśyamanumeyaṃ na pratyakṣam, dhūmānumeyāgnivat, akārakatāyāṃ kārakatāyāṃ vā vastunaḥ pitṛdhūmādivat . - [Previous: 1.219](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.219) - [Next: 1.221](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.221) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.123) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.220](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.220) · Pramāṇa