[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.223 # Dvadasharanayacakra 1.223 Nyāyāgamānusāriṇī 1.223 - **Language:** Sanskrit ### [1.223](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.223) ataḥ sarvapramāṇāvirodhītyādi yāvadvidhiriti . ata ityanantaroktasarvopapattiprapañcato yat prāk pratijñātaṃ yathālokagrāhameva vastu iti tannigamayati sopapattikaṃ sarvapramāṇāvirodhitattvavyavahārasamavasthalokaparigrahavadeveti, pratyakṣānumānāgamapramāṇairanavadhāritakāraṇakāryobhayānubhayātmakaṃ tasya tasya vastuno bhāvastattvamavirodhi, tasmiṃstattve tattvasya tattvena vā vyavahāraḥ, tasmin samavasthā yasya lokasya tasya lokasya parigrahaḥ sa sarvapramāṇāvirodhitattvavyavahārasamavasthalokaparigrahaḥ, tadvat tena tulyaṃ vartata iti . evetyavadhāraṇe, tādṛglokaparigrahavadeva sāmānyaviśeṣau, na tu sāmānyameva viśeṣa eva parasparato bhinnāvabhinnāveveti vā yathā śāstreṣu kalpitāviti . athavā sarvapramāṇāvirodhini tattvavyavahāre samavasthā yasya sa lokaḥ sarvapramāṇāvirodhitattvavyavahārasamavasthaḥ, tasya parigrahavadeva sāmānyaviśeṣau nānyatheti yathā pratipāditaṃ lokavadeva ghaṭādiviṣayāviti, yathā loke ghaṭādibhavanameva sāmānyaṃ viśeṣaśca dravyakṣetrakālabhāvarūpabhavanāviśeṣaviśeṣābhyāmuktavidhinā kāryakāraṇādibhedena vā niyatau sarvatra na maryādayetyanavadhṛtasvabhāvau . iti vidhiḥ, iti pradarśane, eṣa vidhiritthaṃ vicārito yaḥ pṛthaguddiṣṭaḥ . - [Previous: 1.222](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.222) - [Next: 1.224](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.224) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.124) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.223](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.223) · Pramāṇa