[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.224 # Dvadasharanayacakra 1.224 Nyāyāgamānusāriṇī 1.224 - **Language:** Sanskrit ### [1.224](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.224) eṣa ca vedavādibhirapi lokapramāṇaka ājñānikavāda upajīvyata iti . nayānāmekaikasya śatadhā bhedāt saptanayaśatāni ārṣe vyākhyāyante, teṣāṃ punaścaturdhā saṅkṣepaḥ kriyā-'kriyā-'jñāna-vinaya manyo bhedaḥ--sarvamidamajñānapratibaddhameva jagat pṛthivyādi . indriyāṇyapi ca tanmayānyevācetanāni . tatkaraṇatvāt taiḥ prakāśitaṃ sthūlamajñaṃ pratipadyeta jñaḥ . tasyāpi cendriyasannikṛṣṭasyāsādhāraṇasvarūpasya na nirūpaṇopāyo'sti, pratyekaṃ samudāye vā vādasamavasaraṇavacanāt tatroktaḥ, ājñānikavādaḥ kiñcinna jñāyate, ko ha vaitad veda ? kiṃ vā'nena jñātena ? ityaśakyaprāptyaphalatvābhyāṃ vastutattvavicāro na yujyate, kriyāyā evopadeśo'taḥ śreyān iti leśenābhyupagatatvāt . yasyāyamanyo bheda iti tasyaivājñānavādasyānyo'yaṃ bhedaḥ . katamo'sau bhedaḥ ? sarvamidamajñānapratibaddhameva jagat pṛthivyādīti . katham ? rūpādimattvād ghaṭādivat . ādigrahaṇāt pṛthivyaptejovāyavaḥ . nanvete padārthā ajñā eva, kimarthamajñānapratibaddhaṃ jagat pṛthivyādītyucyate ? ucyate--ākāśakāladigātmendriyamanaḥprabhṛtīnāmapi tadvyatirekeṇānupalabdherna santi tanmayatvādeva ca tadvadacetanānyata āha --indriyāṇyapi ca tanmayānyevācetanānīti . tanmayatvānumānaṃ ca bhūyastvād gandhavattvācca pṛthivī gandhajñāne . tathāpastejo vāyuśca rasarūpasparśeṣu rasarūpasparśaviśeṣāt vai॰ sū॰ 8 . 2 . 5-6 iti . - [Previous: 1.223](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.223) - [Next: 1.225](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.225) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.125) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.224](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.224) · Pramāṇa