[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.225 # Dvadasharanayacakra 1.225 Nyāyāgamānusāriṇī 1.225 - **Language:** Sanskrit ### [1.225](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.225) syānmatam--pratyabhijñānāhaṅkārecchādiviśeṣaliṅgadarśanādātmā tadguṇastadvyatirikto'stīti . etaccāyuktam, guṇaguṇinorbhedamicchatāṃ jñānādanyatvasāmyāt pṛthivyādiguṇatve'pi tulyānumānatvāt . abhyupetyāpi ātmādivyatirekaṃ tatkaraṇatvāt teṣāmindriyāṇāṃ karaṇatvāt tāni vā'sya karaṇāni tatkaraṇo jñaḥ, taiḥ karaṇaiḥ prakāśitaṃ ghaṭādisthūlamajñaṃ prakāśyatvādeva cānyamapyarthaṃ prakāśya pratipadyamāno'pi pratipadyeta jñaḥ, sambhāvyamānapratipattirapi puruṣaḥ sthūlamevārthaṃ pratipadyetājñānātmakam . karaṇāni cājñāni . acetanakaraṇaprakāśitamapyacetanaṃ pradīpaprakāśitaghaṭādivadeva syāt sthūlaṃ ca, na paramāṇvādi sūkṣmaṃ śuddhaṃ cetanasvarūpapuruṣādi vā syādajñānāpratibaddham . tasyāpi cendriyasannikṛṣṭasyetyādi . satyapi ca tasya sthūlasya grāhyatve tatsvarūpājñānādajñānasambaddhameva . tasyendriyasannikṛṣṭasya dravyāntaravyatiriktamasādhāraṇaṃ yat svarūpamātmādervātīndriyasya tasya kvacit kadācidadṛṣṭatvāt idamidam iti na nirūpaṇopāyo'sti . nirūpaṇaṃ nirṇayajñānamiṣṭam . kiṃ kāraṇaṃ na nirūpaṇopāyo'sti idamidam iti cet, ucyate --pratyekaṃ samudāye vā taddṛṣṭyanupapatteḥ, tasyāsādhāraṇarūpasyāpūrvasyāpūrvatvādeva dṛṣṭyanupapattirnirṇayānupapattiśca . pratyekaṃ tāvanna hi ghaṭa ekaikaḥ kṛṣṇādirūpo'pūrvatvāddṛśyate svarūpataḥ, tata eva pratyekamanirūpitasvarūpāṇāṃ kuto nirūpaṇaṃ samudāye, sikatāsu pratyekamanirūpitasya samudāye tailasya nirūpaṇābhāvavat ? niścayena rūpaṇaṃ nirūpaṇam, tadupāyābhāvāt ajñānapratibaddhameva sarvam iti sādhūktam . - [Previous: 1.224](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.224) - [Next: 1.226](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.226) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.125) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.225](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.225) · Pramāṇa