[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.226 # Dvadasharanayacakra 1.226 Nyāyāgamānusāriṇī 1.226 - **Language:** Sanskrit ### [1.226](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.226) syānmatam--anubhaviturbāhyaviṣayam idamidam iti nirūpaṇaṃ mā bhūd yadi na bhavati, svasaṃvedanaṃ tvāntaraṃ sukhaduḥkhādiṣu kiṃ nirūpaṇaṃ na bhavati ? iti . ucyate --svasaṃvedanenocchvasanābhyavahṛtapariṇatītyādi, vyabhicārānna bhavati, prāṇāpānāvasañcetayanneva hi kurute sarvo lokaḥ, abhyavahṛtamapi khalarasabhāvena rasarudhirādibhāvena ca pariṇamayanna sañcetayati svayameva . tathā suptādīnāṃ calanakaṇḍūyanasphuraṇādikriyāḥ kurvatāmasañcetayamānānāmeva tāḥ kriyā dṛśyante . supta-matta-mūrcchita-garbhāḥ suptādayaḥ . tathānyamanasāmavyaktacalanakaṇḍūyanamaśakadaṃśasparśasaṃvedanaṃ gandhādijñānaṃ suptādīnāṃ cāmladravyāsvādanamasañcetitam . rasanamāsvādanamityarthaḥ . ādigrahaṇāt kṣutajṛmbhitakāsitādayaḥ . yathaitāḥ kriyā asañcetitāstathā svasaṃvedanamapi . itthaṃ kalpitākalpitatathābhūtapratyayānupapatteḥ, kalpitastāvat kalpitatvādeva tathābhūto na bhavati pratyayaḥ, akalpito'pītthamuktavidhinā nopapadyate tathābhūtaḥ pratyayaḥ śuddha ityarthaḥ . tasmāt kalpitākalpitatathābhūtapratyayānupapatterajñānānuviddhameva sarvaṃ jñānamiti . paricchedārthaśca pramāṇavyāpāraḥ, pramāṇaṃ hi vyāpriyamāṇaṃ yathārthaparicchedārthamiṣyate, na cetthaṃ tatparicchedo'stīti vaidharmyaṃ darśayati . - [Previous: 1.225](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.225) - [Next: 1.227](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.227) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.1.46) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.226](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.226) · Pramāṇa