[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.67 # Dvadasharanayacakra 1.67 Nyāyāgamānusāriṇī 1.67 - **Language:** Sanskrit ### [1.67](https://indike.org/pramana/in.jaina.post.dvadasaranayacakra!simhasuri.1.67) syānmatam--sambandhadeśo na dūṣyate, upekṣyata iti . kimuktaṃ bhavati ? sambandhadeśān dravyādīn muktvā nirāśrayatvād viśeṣo mā bhūt, sambandhadeśasthānāṃ tu ghaṭapaṭādīnāṃ kimiti mudhā viśeṣo na syāt sambandhadeśopekṣāyāmupāttatyāgo'kasmāt, tulyatvāt sāmānyābhyupagamāt . rūpādibhedasambandha eva viśeṣaḥ, na, anyāsambandhe'rūpāditvācchuddhānāṃ kvacidapyabhāvāt . loke dṛṣṭo nanu ca vāyuḥ śuddha eva sparśaḥ, tatrāpi hi kṣetrādidravyasya rūpādayo na gṛhyante, anabhivyaktisaukṣmyāt, dravyādivat . tadāśrayatvād viśeṣasya ? iti . atrocyate --sambandhadeśopekṣāyāmupāttatyāgo'kasmāt . evaṃ sati akasmādevopāttasya viśeṣasya tyāgaḥ, sāmānyābhyupagamāt . kathaṃ sāmānyamabhyupagatamiti cet, tulyatvāt sambandhadeśasthānāṃ dravyakṣetrakālabhāvapratyāsattitulyalakṣaṇatvāt sāmānyasya samānabhāvasya . - [Previous: 1.66](https://indike.org/pramana/in.jaina.post.dvadasaranayacakra!simhasuri.1.66) - [Next: 1.68](https://indike.org/pramana/in.jaina.post.dvadasaranayacakra!simhasuri.1.68) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.32) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.67](https://indike.org/pramana/in.jaina.post.dvadasaranayacakra!simhasuri.1.67) · Pramāṇa