[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.68 # Dvadasharanayacakra 1.68 Nyāyāgamānusāriṇī 1.68 - **Language:** Sanskrit ### [1.68](https://indike.org/pramana/in.jaina.post.dvadasaranayacakra!simhasuri.1.68) atrāha --rūpādibhedasambandha eva viśeṣa iti . rūparasagandhasparśasaṅkhyāsaṃsthānādīnāṃ saprabhedānāṃ sambandha eva viśeṣa ucyate, ta eva hi parasparato viśiṣyamāṇā viśeṣākhyā iti . atrocyate --tad na, anyāsambandhe'rūpāditvāt . anyairdravyādibhiramambandhe teṣāmarūpāditvaṃ prasajyate, yasmāt sarve sarvatra sarvadā sarvathā dravyakṣetrakālabhāvāvibhāgasambaddharasā eva hi rūpādayaḥ . kiṃ kāraṇam ? śuddhānāṃ kvacidapyabhāvāt, prāguktaṃ dravyādisambandhābhāve rūpādisvarūpābhāvāt tatsambaddhānāmeva dṛṣṭatvāt saprabhedadravyādisambandhābhāve rūpādayo na santyevetyarūpāditvaṃ teṣāṃ prasaktam . - [Previous: 1.67](https://indike.org/pramana/in.jaina.post.dvadasaranayacakra!simhasuri.1.67) - [Next: 1.69](https://indike.org/pramana/in.jaina.post.dvadasaranayacakra!simhasuri.1.69) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.32) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.68](https://indike.org/pramana/in.jaina.post.dvadasaranayacakra!simhasuri.1.68) · Pramāṇa