[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.74 # Dvadasharanayacakra 1.74 Nyāyāgamānusāriṇī 1.74 - **Language:** Sanskrit ### [1.74](https://indike.org/pramana/in.jaina.post.dvadasaranayacakra!simhasuri.1.74) atrāha--sā dvidhā pratyāsattiḥ, arthasambandhādanarthasambandhācca . tatrānarthalakṣaṇā sad-dravyapṛthivī-mṛd-ghaṭāditattvānuvṛttibuddhigrahaṇā yathoktā, sāmānyaviśeṣasamavāyānāmarthatvābhāvāt . arthalakṣaṇā tu dravyaguṇakarmasambandhātmikā, teṣāmarthasaṃjñitatvāt . yathoktam --artha iti dravyaguṇakarmasu vai॰ sū॰ 8 . 2 . 3 . tatra kriyāvat vai॰ sū॰ 1 . 1 . 15 ityādi dravyalakṣaṇam . tadbhedalakṣaṇaṃ ca --rūparasa- gandhasparśavatī pṛthivī, rūparasasparśavatya āpo dravāḥ snigdhāśca, tejo rūpasparśavat, vāyuḥ sparśavān vai॰ sū॰ 2 . 1 . 1-4, yatra rūpādicāturguṇyaṃ sā pṛthivī, gandhahīnā dravasnehādhikāścāpaḥ, dravasneharasagandhahīnaṃ tejaḥ, rūpahīno vāyuḥ, dravyāśrayyādilakṣaṇo guṇaḥ . śrotragrahaṇo yo'rthaḥ sa śabdaḥ vai॰ sū॰ 2 . 2 . 21 . cakṣurgrahaṇo yo'rthaḥ sa rūpam . ityādyarthalakṣaṇaniyatayā pratyāsattyā sāmānyaviśeṣau syātāmiti . - [Previous: 1.73](https://indike.org/pramana/in.jaina.post.dvadasaranayacakra!simhasuri.1.73) - [Next: 1.75](https://indike.org/pramana/in.jaina.post.dvadasaranayacakra!simhasuri.1.75) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.35) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.74](https://indike.org/pramana/in.jaina.post.dvadasaranayacakra!simhasuri.1.74) · Pramāṇa