[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 1.76 # Dvadasharanayacakra 1.76 Nyāyāgamānusāriṇī 1.76 - **Language:** Sanskrit ### [1.76](https://indike.org/pramana/in.jaina.post.dvadasaranayacakra!simhasuri.1.76) kiñcānyat --tathāpi svaviṣayasāmānyaviśeṣāpattiḥ . arthāśleṣalakṣaṇāsattau satyāmapi svaviṣayameva sāmānyam, svaviṣaya eva viśeṣaḥ ityetau prāguktau vikalpāvāpannau . sā coktadoṣā, sāpi ca svaviṣayasāmānyaviśeṣāpattiruktadoṣaiva --yadi svaviṣayam, sāmānyavirodhaḥ . yadi sāmānyaṃ tata ātmā na bhavati, anekārthatvāt sāmānyasya . atha ātmā tato na sāmānyam, ekatvādātmanaḥ . atha ātmaiva sāmānyam, rūpādirghaṭāderātmā tatsamudāyakāryatvāt; evaṃ satyātmabhedaḥ--rūpaṃ rūpaṃ ca rūpādisamudayaśca ityādi . tathā viśeṣo'pi . yadi svaviṣayaḥ, viśeṣavirodhaḥ . yadi viśeṣastata ātmā na bhavati, anyatvādviśeṣasya guṇataḥ kālato vā, anyathā ghaṭādau sāmānyāpatteḥ . atha ātmā tato viśeṣo na bhavati, ekatvādātmanaḥ . athocyeta--naikatvānyatvavirodhadoṣau, ātmaiva viśeṣaḥ ityanapādānādipratijñānāt; yadi ātmāpekṣa eva viśeṣaḥ, eka eva anya ityātmano'nyathābhavanādanātmatvamityādipūrvoktadoṣasambandhinī svaviṣayasāmānyaviśeṣāpattiḥ . - [Previous: 1.75](https://indike.org/pramana/in.jaina.post.dvadasaranayacakra!simhasuri.1.75) - [Next: 1.77](https://indike.org/pramana/in.jaina.post.dvadasaranayacakra!simhasuri.1.77) - [Up: 1](https://indike.org/pramana/in.jaina.post.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.37) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.1.76](https://indike.org/pramana/in.jaina.post.dvadasaranayacakra!simhasuri.1.76) · Pramāṇa