[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.85 # Dvadasharanayacakra 1.85 Nyāyāgamānusāriṇī 1.85 - **Language:** Sanskrit ### [1.85](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.85) syānmatam--karotīti kāraṇam . yathoktam— ṣṭhivasivyorlyuṭparayordīrghatvaṃ vaṣṭi bhāguriḥ . karoteḥ kartṛbhāve ca saunāgāḥ sampracakṣate .. tasmāt svakāryasyākaraṇādakāraṇatvameveti . etadapi nopapadyate, yasmād bījādīnāmapyakāraṇataiva kvacidakaraṇāditi prāptam . itiśabdo hetvarthe . yasmāt teṣāmapi bījānāṃ trivarṣaparamoṣitānāmaṅkurādyutpādane śaktyabhāvaḥ, ādigrahaṇād mṛdāderghaṭādyutpādane . tataḥ ko doṣaḥ ? kāraṇamapyakāraṇamevāstu kāryakāraṇāvyabhicārābhāvāditi . evaṃ ca sati kṛṣīvalādīnāṃ sakṛddṛṣṭabījāṅkurādikāraṇakāryabhāvavyabhicārāṇāṃ tadarthapravṛtteḥ punaranārambhāt karaṇābhāve kāraṇābhāva eva syāt, aniṣṭaṃ caitat . loke punarupapadyate --kāryasadasattvāniyamāttu kāraṇe bījādau kāraṇatāyāmeva satyāṃ karaṇākaraṇe sannihite tantvādau kāraṇe kāryasya paṭādeśca, kādācitkayoḥ karaṇākaraṇayordarśanāt . - [Previous: 1.84](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.84) - [Next: 1.86](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.86) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.42) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.85](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.85) · Pramāṇa