[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.89 # Dvadasharanayacakra 1.89 Nyāyāgamānusāriṇī 1.89 - **Language:** Sanskrit ### [1.89](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.89) itara āha --nanvata eva kleśo'pi kāryasattvādeva bhavatīti niyataṃ kāraṇe kāryam ityāpannaṃ cedityevaṃ cenmanyase . evaṃ sati īpsitena tāvad bhavitavyam . kiṃ ca tadīpsitaṃ phalam ? arthaprāptiḥ, na kleśaḥ sevakasya . kiṃ kāraṇam ? sannihitatacchaktyabhīhitatvāt . sannihitā sā śaktirasya so'yaṃ sevakaḥ sannihitatacchaktiḥ aproṣitārthaprāptiśaktiḥ, sevā vā sannihitā, sā śaktirasyāḥ sā sannihitatacchaktiḥ, tayā abhīhitatvāt ceṣṭitatvāditi vṛttivṛttimatorananyatvāt sevā tatra deśakālākāranimittāvabaddhatvānneṣṭameva phalamavāpyate, jñāvyākhyānavat . atha deśādayaḥ kim ? yadi te kāryaṃ tatasteṣāmakāraṇatvādasarvatvādatantratvādapratibandhakatvam . atha te kāraṇaṃ tataḥ sarvakāraṇatvasarvātmakatvāt kimiti sarvaṃ na bhavati, samuditakāraṇatvāt, saṃyuktatantupaṭavat ? atha vā sarvaṃ na bhavati, anabhivyaktatvāddeśādeḥ, pradhānasāmyāvasthānavad sevakayoryatheṣṭaṃ vigrahasambandhau . yuktaṃ hi tābhyāmīpsitārthaprāptiyuktābhyāṃ bhavitum, nānīpsitakleśabhāgbhyām . ko dṛṣṭāntaḥ ? sarvaśāstrajñānyataravyākhyānavat . yathā sarvaśāstrajñaḥ puruṣo vyākaraṇādyanyatamacchāstramīpsitameva vyācaṣṭe tathaitaditi . - [Previous: 1.88](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.88) - [Next: 1.90](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.90) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.44) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.89](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.89) · Pramāṇa