[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.93 # Dvadasharanayacakra 1.93 Nyāyāgamānusāriṇī 1.93 - **Language:** Sanskrit ### [1.93](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.93) atha vā sarvaṃ na bhavatītyādi sa eva laukika āśaṅkate . atha mataṃ bhavataḥ sāṅkhyasya--sarvaṃ na bhavati śarīrakleśasukhārthānarthaprāptyādi . kutaḥ ? anabhivyaktatvāt . añjū vyaktimrakṣaṇagatiṣu pā॰ dhā॰ 1459, mrakṣitamabhivyaktaṃ sphuṭīkṛtam, anabhivyaktamasphuṭam, anabhivyaktatvād deśādeḥ kāraṇasya sarvaṃ na bhavati . ko dṛṣṭāntaḥ ? pradhānasāmyāvasthānavat . yathā pradhānaṃ sattvarajastamastriguṇatvasāmyāvasthāne'nabhivyaktatvāt sarvakāraṇamapi sat sarvān bhāvānna prakaroti ghaṭapaṭādīn, atha ca prakaraṇāt prakṛtiḥ pradhīyante bhāvāstata iti pradhānam ityādibhirnāmabhirucyate, tasya cānabhivyaktatvaṃ tatsāmyāvasthānānma mayūrāṇḍakarasagatagrīvādivadvā . nanu ca deśādeḥ sarvatvāt sarvātmakatvād vaiṣamyāvasthaiva iti laukikaprakṛtitvameva prakṛteḥ, sarvātmakatvāt, deśādivat . anabhivyaktisāmyāvasthāne cāyukte, aprayojanatvāt, nirvṛttānirvṛttārthakriyaudāsīnyavat . prakṛtikāraṇatyāgena kāraṇāntarasya vā tathāpraṇeturāpattiḥ . nyethāḥ tathā hi deśādikāraṇaṃdeśādi kāraṇaṃ sāmyāvasthānādanabhivyaktaṃ pradhānavat sarvaṃ kāryaṃ na kurute . lokaprasiddhamapyatrodāharaṇam --mayūrāṇḍakarasagatagrīvādivat . yathā mayūrāṇḍakarasāvasthāyāmeva mecakavarṇagrīvādyavayavānabhivyaktiḥ tatsāmyāvasthānāt, ataḥ sarvaṃ na bhavati mayūrāṇḍakarasāvasthāyāmiva tadgrīvādīti . - [Previous: 1.92](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.92) - [Next: 1.94](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.94) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.45) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.93](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.93) · Pramāṇa