[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.98 # Dvadasharanayacakra 1.98 Nyāyāgamānusāriṇī 1.98 - **Language:** Sanskrit ### [1.98](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.98) evaṃ tasya svabhāvadharmaṃ samarthya idānīmanabhivyaktisāmyāvasthānapratipakṣabhūtaṃ nityapravṛttatvaṃ pradhānasyānumimīte --atastena nityapravṛttenaiva bhavitavyamiti pratijñā . ata ityanantaroktadharmatvāt pradhānasya, taddharmatvamidānīṃ hetutvena vyāpārayitumāha sāmānyataḥ --tatsvabhāvatvāditi, sa svabhāvo dharmo yasya tat tatsvabhāvaṃ pradhānaṃ pūrvoktairhetubhirviśeṣitamatastannityapravṛttaṃ bhavitumarhati . iha yad yad yatsvabhāvaṃ tat tat agnirdahanaprakāśanapravṛttaḥ . nanu bhasmacchanno'gnirapi na dahati na prakāśayati . atha kathaṃ jīvati ? kathaṃ jñāyate agniḥ iti adahannaprakāśayan vā tāvat kośakādi svāśrayamātram, gṛhapradīpakavat ? chādanābhāvo'pi ca pradhāne . tenaiva svabhāvena nityapravṛttaṃ dṛṣṭam, yathāgnirdahanaprakāśanapravṛttaḥ . yat punarnityapravṛttaṃ na bhavati na tat tatsvabhāvam, yathā na kiñcit tādṛgiti . - [Previous: 1.97](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.97) - [Next: 1.99](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.99) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.47) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.98](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.98) · Pramāṇa