[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 1.99 # Dvadasharanayacakra 1.99 Nyāyāgamānusāriṇī 1.99 - **Language:** Sanskrit ### [1.99](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.99) dahanāditatsvabhāvasyāgnestathāpravṛttyadarśanāt sādhyadharmavaikalyaṃ dṛṣṭāntadoṣa iti tannidarśayannāha — nanu bhasmacchanno'gnirapi na dahati na prakāśayatīti, dahanatapanayorabhedāditi . atrocyate --atha kathaṃ jīvati ? iti . jīvanamagneścetanatvāt, caitanyamāhāralābhālābhayoḥ puṣṭiglānyādidarśanād manuṣyavat . sa cendhanaṃ dahan jīvati, sthiterjīvitaparyāyatvāt sthiterindhanadahanāvinābhāvāt . acetanatvamabhyupagamyāpi sthitiprakāśanendhanadahanātmakasyāgneḥ pratyakṣānumānaviṣayasya satastathā pratyakṣānumānābhyāmagrahaṇe'stitve pramāṇāntarāsiddheḥ kathaṃ jñāyate agniḥ iti adahan aprakāśamānaḥ aprakāśayan vā dravyāntaraṃ tāvat kośakādi svāśrayamātram ? tat parimāṇamasya tāvat, svaparimāṇamātramapi svāśrayadravyaṃ kośakādi aprakāśayan katham agniḥ ityucyate ? kośaka ityucyate'nnapulikā . dṛṣṭānto gṛhapradīpakaḥ . gṛhe prajvālitaḥ pradīpako gṛhapradīpakaḥ, yathā gṛhapradīpako'nnapulikāmātramapi yadi na prakāśayati prakāśātmakaḥ sanna pradīpaḥ iti jñāyate; agnivaidharmyadṛṣṭānto vā--gṛhapradīpo gṛhaṃ prakāśayannasti, yadi na tathāgniḥ svamāśrayaṃ prakāśayati prakāśātmakaḥ saṃstato nāstīti gamyate . kiñcānyat, bhasmacchannāgnisādharmyābhāvo'pi ca pradhānasya cchādanābhāvādityata āha --chādanābhāvo'pi ca pradhāna iti . agnerbhasmavat prakṛterāvaraṇābhāvād bhasmacchannāgnitulyaṃ na bhavati pradhānamato viśeṣya brūmaḥ--nirāvaraṇāgnidahanaprakāśanavat tatsvabhāvatvānnityapravṛttenaiva bhavitavyam . iti tadavasthā nityapravṛttatā . tataścānabhivyaktisāmyāvasthānānupapattiḥ . - [Previous: 1.98](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.98) - [Next: 1.100](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.100) - [Up: 1](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.47) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.99](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.1.99) · Pramāṇa