[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 2.198 # Dvadasharanayacakra 2.198 Nyāyāgamānusāriṇī 2.198 - **Language:** Sanskrit ### [2.198](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.198) dṛṣṭā ghaṭādīnāṃ kriyāyā utpattiriti cet . syānmatam--dṛṣṭaviruddhamuktaṃ tvayā vidyamānānāṃ ghaṭādīnāṃ nimittāpekṣasvabhāvaivotpattiriti, kriyāyā eva kulālasya ghaṭāderarthasyotpatterdarśanāditi . etacca na, prāganabhivyakteḥ, kriyāyāḥ prāk sotpattiranabhivyaktā apavarakaghaṭavat pradīpeneva kriyayābhivyajyate notpādyata ityadoṣaḥ . sā sati agrahaṇanimittābhāve kimiti cet, sā sati arthe'nabhivyaktiragrahaṇanimittānāmatyāsannaviprakṛṣṭavyavahitasamānābhihārābhibhavasaukṣmyendriyadaurbalyamanovaiyagryapittopaghātādīnāmabhāve sati kimarthaṃ bhavatīti cenmanyase, vayamatra brūmaḥ --svabhāvādevetyādi yāvaccakṣurādinā na gṛhyate . añjanamandarādi cakṣurādinā na gṛhyate, yathā sa svabhāvastathāyamapi . tathā kiñcidatyantānupalabdhisvabhāvameva bhavati ātmādi . tanna puruṣakāmacāraprayatnādibhyaḥ kiñcidapi nirvartate . tatra kutaḥ kasyacidarthino'pyevaṃ vā viparyaya eva vārambhakriyānirvṛttayaḥ ? tathā cāhuḥ-- kaṭukaḥ kaṭukaḥ pāke vīryoṣṇaścitrako mataḥ . tadvad dantī, prabhāvāttu virecayati sā naram .. carakasaṃ॰ 1 . 26 . 68 na tvasmābhireva tad vaktavyam --svabhāvādeva, agrahaṇahetuṣu asatsvapi sato'rthasyānabhivyaktau svabhāva eva kāraṇamiti . kasmāt ? tvayaivābhyupagatatvāt, atisannikṛṣṭamativiprakṛṣṭaṃ vyavahitaṃ vā cakṣurindriyaṃ rūpamañjanamandarādi na gṛhṇātyatyantam ityatra kena tvayā etat kāraṇena pratipannam ? iti pṛṣṭenāvaśyaṃ svabhāvāditi vaktavyam, ayaṃ hi cakṣuṣaḥ svabhāvo yadatisannikṛṣṭamañjanādi na paśyati ativiprakṛṣṭaṃ vā mervādīti śeṣendriyāṇāmapi svabhāvādevātiviprakṛṣṭādyagrahaṇaṃ svaviṣayaniyamaśceti . kiñcānyat, yathā sa svabhāvastathāyamapi, yathā cakṣurādīndriyāṇāmātmano'tyantamatisannikṛṣṭādyagrahaṇaṃ svabhāvastathānabhivyaktāgrahaṇaṃ svabhāva iti kiṃ na gṛhyate ? - [Previous: 2.197](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.197) - [Next: 2.199](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.199) - [Up: 2](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.262) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.198](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.198) · Pramāṇa